Teluguwonders:
💥Bigg Boss 3 Telugu:
బిగ్ బాస్ సీజన్ 3.. ఎన్నో అంచనాలు మరెన్నో ఊహాగానాలు మధ్య జూలై 21న ప్రారంభమైన ఈ రియాలిటీ షో సక్సెస్ ఫుల్గా 50 ఎపిసోడ్లను పూర్తి చేసింది. 15 మంది కంటెస్టెంట్స్తో.. కింగ్ నాగార్జున హోస్ట్గా స్టార్ మాలో ప్రసారమవుతున్న ఈ షోపై విపరీతమైన అంచనాలు ఉన్నాయి.కింగ్ నాగార్జున హోస్ట్ చేస్తున్న బుల్లితెర బిగ్గెస్ట్ రియాలిటీ షో ‘బిగ్ బాస్ సీజన్ 3’ ఆదివారం నాటితో సక్సెస్ ఫుల్గా 50 ఎపిసోడ్లను పూర్తి చేసింది.నాలుగు కోట్ల మందికి పైగా ప్రతి రోజు వీక్షిస్తున్న ఈ రియాలిటీ షో అంచనాలను అందుకుందనే చెప్పాలి.
👉 సీజన్ 1కి ఎన్టీఆర్ హోస్ట్ చేయగా.. రెండో సీజన్కి నాని హోస్ట్ చేశారు.. ఇక మూడో సీజన్కు నాగార్జున రంగంలోకి దిగారు. హోస్ట్గా నాగార్జున.. కంటెస్టెంట్స్గా 17 మంది సెలబ్రిటీలు పర్వాలేదనిపిస్తున్నారు.
💥50 రోజుల బిగ్ బాస్ ప్రయాణం:
ఈ 50 రోజుల బిగ్ బాస్ ప్రయాణంలో ప్రేక్షకుల్ని ఎంటర్టైన్ చేయడంతో పాటు నిరుత్సాహ పరిచిన సందర్భాలు.. కాంట్రివర్శిలూ.. కూడా చాలానే ఉన్నాయి. బాబా భాస్కర్ స్టైల్లో చెప్పాలంటే బిగ్ బాస్లో టోటల్ డ్యామేజ్ లాంటి సందర్భాలను చూద్దాం
⭐హోస్ట్, కంటెస్టెంట్స్..;నానికి హోస్ట్గా తక్కువ మార్కులు :
బిగ్ బాస్ సీజన్ 1 కంటే సీజన్ 2లో హోస్ట్, కంటెస్టెంట్స్ కాస్త వీక్ అనే చెప్పాలి. దీనికి ఒక కారణం హోస్ట్ నాని అనేది చాలా మంది అభిప్రాయం. వాస్తవానికి నాని కూడా హోస్ట్గా ఆకట్టుకున్నాడు. అయితే ఎన్టీఆర్తో పోలిక రావడంతో నానికి హోస్ట్గా కాస్త తక్కువ మార్కులే పడ్డాయి. పైగా నాని కుదురుకోవడానికి కాస్త టైం పట్టింది.
⭐ఎన్టీఆర్ ది బెస్ట్:
ఇక మూడో సీజన్లో కింగ్ నాగార్జున హోస్ట్గా తొలి ఎపిసోడ్లోనే మార్క్ చూపించారు. ‘మీలో ఎవరు కోటీశ్వరుడు’ గేమ్ షోతో బుల్లితెరపై హోస్ట్గా తనకంటూ ప్రత్యేకతను ఏర్పరచుకున్న నాగార్జున బిగ్ బాస్ హోస్ట్గా ఆకట్టుకుంటున్నారు. అయితే ఎన్టీఆర్ కంటే బాగా చేస్తున్నారా అంటే.. కాస్త అటూ ఇటుగా పర్లేదనిపిస్తూ హోస్ట్కి న్యాయం చేస్తున్నారు. అయితే నాని కంటే ఎక్కువ మార్కులే వేయొచ్చు.
👉 కంటెస్టెంట్స్ పరంగా చూస్తే..:
సీజన్ 1తో పోల్చుకుంటే సీజన్ 2లో కంటెస్టెంట్ వీక్ అనే చెప్పాలి. సీజన్ 1లో శివ బాలాజీ, అర్చన, ముమైత్ ఖాన్, సంపూర్ణేష్ బాబు, ధనరాజ్, ప్రిన్స్ లాంటి పాపులర్ నటీ నటులతో పాటు టీవీ ఆర్టిస్టులను తీసుకుని మంచి హైప్ తీసుకువచ్చారు. పెర్ఫామెన్స్ పరంగానూ ప్రేక్షకుల్ని బాగానే ఎంటర్ టైన్ చేశారు కంటెస్టెంట్స్.
అయితే రెండో సీజన్లో కౌశర్, గీతా మాధురి, తనీష్, కౌశల్, అమిత్, రోల్ రైడా, సామ్రాట్, దీప్తి నల్లమోతు లాంటి కంటెస్టెంట్స్తో సరిపెట్టేశారు. ఇక మూడో సీజన్ విషయంలోనూ బిగ్ బాస్ నిర్వాహకులు పాపులారటీకి పెద్దగా ప్రాధాన్యత ఇవ్వకుండా సాదాసీదా కంటెస్టెంట్స్ను తెరమరుగైన పాత తరం టీవీ ఆర్టిస్టులకు ఎక్కువ ప్రాధాన్యత ఇచ్చారు.
🎭బిగ్ బాస్ సీజన్ 3 కంటెస్టెంట్స్:
👉1. యాంకర్ శివజ్యోతి
2. టీవీ నటుడు రవికృష్ణ
3. నటి అశురెడ్డి
4. జర్నలిస్ట్ జాఫర్ బాబు
5. నటి హిమజ రెడ్డి
6. సింగర్ రాహుల్ సిప్లిగంజ్
7. టీవీ నటి రోహిణి
8. కొరియోగ్రాఫర్ బాబా భాస్కర్
9. యువనటి పునర్నవి భూపాలం
10. నటి హేమ
11. టీవీ నటుడు అలీ రజా
12. హాస్యనటుడు మహేశ్ విట్ట
13. యాంకర్, నటి శ్రీముఖి
14. వరుణ్ సందేశ్
15. వితికా షెరు (వరుణ్ సందేశ్ భార్య)
16. తమన్నా సింహాద్రి (వైల్డ్ కార్డ్ ఎంట్రీ)
17. యాంకర్ శిల్పా చక్రవర్తి (వైల్డ్ కార్డ్ ఎంట్రీ)
పైన చెప్పిన కంటెస్టెంట్స్లో ఎక్కువ మంది టీవీ ఆర్టిస్టులే. సినిమా రంగానికి సంబంధించి పాపులర్ నటీ నటులు ఇందులో ఎవరూ లేదు. కాస్తో కూస్తూ ప్రేక్షకులకు పరిచయం ఉన్న క్యారెక్టర్ ఆర్టిస్ట్ హేమను తొలివారంలోనే ఇంటికి పంపేశారు. ఈ 17 మందిలో యాంకర్ శ్రీముఖి తప్పితే మిగిలిన వాళ్లకు అంతగా క్రేజ్ లేదనే చెప్పాలి. ఇక పెర్ఫామెన్స్ విషయంలోనూ పూర్గానే ఉన్నారు.
📨ఓటింగ్ లోనూ తికమక :
గత రెండు సీజన్లలో విజేతలను ప్రేక్షకుల ఓటింగ్ ద్వారానే డిసైడ్ చేసినట్టు చెబుతోన్న స్టార్ మా మూడో సీజన్లో మిస్డ్ కాల్తో పాటు హాట్ స్టార్ ద్వారా మాత్రమే ఓటింగ్ వేసేవీలు కల్పించింది. గతంలో పర్సనల్ మెయిల్ ద్వారా లాగిన్ అయ్యి ఓటు వేయొచ్చు కాని.. ఈసారి హాట్ స్టార్లో లాగిన్ అయ్యి రోజు 10 ఓట్లు వేసే వెసులుబాటు కల్పించారు. ఈ హాట్ స్టార్ ప్రాసెస్లో కాస్త గందరగోళం ఉండటం వల్ల తనకు ఓట్లు రాలేదని అందుకే ఎలిమినేట్ అయ్యానని హేమ లాంటి కంటెస్టెంట్స్ ఆరోపణలు గుప్పించిన విషయం తెలిసిందే.
🎭వైల్డ్ కార్డ్ ఎంట్రీలు :
గత రెండు సీజన్లలో వైల్డ్ కార్డ్ ఎంట్రీలు అంటే షో హైప్ ఇచ్చేవిగా ఉండేవి. నవదీప్, దీక్షపంత్, పూజా రామచంద్రన్ లాంటి వైల్డ్ కార్డ్ ఎంట్రీలు షోకి ఎంతో కొంత హైప్ ఇచ్చారు.
🔴మూడో సీజన్ లో తమన్నావయొలెన్స్ : మూడో సీజన్ తొలి వైల్డ్ కార్డ్ ఎంట్రీ చాలా వయొలెన్స్ అయ్యింది.
టాన్స్ జెండర్ తమన్నాను వైల్డ్ కార్డ్ ఎంట్రీతో బిగ్ బాస్ హౌస్కు తీసుకురాగా.. ఆమె బిగ్ బాస్ హౌస్ను హడలెత్తించింది. వచ్చిన వారంలోనే సూట్ కేసు సర్దేసి ప్రేక్షకులతో బాబోయ్ తమన్నా అనేట్టుగా చేసింది.
👉ఆమె తరువాత వైల్డ్ కార్డ్ ఎంట్రీతో మరో బ్యూటీని రంగంలోకి దింపి బిగ్ బాస్ హౌస్కి గ్లామర్ టచ్ ఇవ్వబోతున్నారని.. ఇషా రెబ్బా, హెబ్బా పటేల్, శ్రద్దా దాస్.. ఇలా గ్లామర్ బ్యూటీస్ చాలా పేర్లు వినిపించగా చివరికి యాంకర్ శిల్పా చక్రవర్తితో సరిపెట్టేశారు. ఆమె వచ్చీ రావడంతో పార్టిసిపేట్ చేసిన తొలి టాస్క్ చాలా హింసాత్మకంగా అనిపించింది. బిగ్ బాస్ ఎంటరై ఆ టాస్క్ను రద్దు చేశారంటే అంది ఎంత వయొలెంట్గా ఉందో అర్ధం చేసుకోవచ్చు.
💥డ్యామేజ్ డీటెయిల్స్ :
కంటెస్టెంట్స్ ఓవరాక్షన్, క్రియేటివిటీ లేని టాస్క్లు, ఎలిమినేషన్ ప్రాసెస్, మాటి మాటికి శివజ్యోతి ఏడుపు, భార్య భర్తలైన వితికా, వరుణ్ల మధ్య కొట్లాటలు, పునర్నవి- రాహుల్ మధ్య ఇరికిస్తున్న లవ్ ట్రాక్, శ్రీముఖి-వరుణ్ లాంటి కంటెస్టెంట్స్ను వీళ్లే ఫైనల్ కంటెస్టెంట్స్ అనేట్టుగా వాళ్లతో సేఫ్ గేమ్ ఆడించడం లాంటివి టోటల్ డ్యామేజ్ అనే చెప్పాలి.
💥ఎలిమినేషన్ గందరగోళమే..:
బిగ్ బాస్ హౌస్ నుండి ఎలిమినేట్ అయిన వాళ్లతో ఒక్క తమన్నా సింహాద్రి తప్పితే మిగిలిన వాళ్ల ఎలిమినేషన్ అంతా గందరగోళంగానే ఉంది. హేమ తొలివారంలో మిగిలిన కంటెస్టెంట్స్పై ఆదిపత్యం చెలాయించడంతో ఆమెకు ఓట్లు పడలేదు.. సో బిగ్ బాస్ హౌస్ నుండి పంపేశారు తరువాత ఒక్కొక్కరుగా ఎలిమినేట్ అయిన.. జాఫర్, రోహిణి, అషు తాజాగా అలీలు పెర్ఫామెన్స్ పరంగా ప్రస్తుతం హౌస్లో ఉన్న వితికా, పునర్నవి, హిమజ, మహేష్ విట్టాల కంటే బెటర్ పెర్ఫామెన్సే ఇస్తున్నారు. అయితే వీరికి ఓట్లు ఎందుకు పడలేదో బిగ్ బాస్లో రహస్యం తెలియాలి. పునర్నవి ఉంది కాబట్టి రాహుల్ని.. వరుణ్ ఉన్నాడు కాబట్టి వితికా ను కొనసాగిస్తున్నారనేది బిగ్ బాస్ షో ఫాలో అయ్యే వాళ్లకు స్పష్టంగా అర్థమౌతూనే ఉంది. విచిత్రం ఏంటంటే.. వితికా కంటే అన్ని టాస్క్లలోనూ ఫుల్ ఎఫర్ట్ పెట్టే అలీ నామినేట్ కావడం విచిత్రమే.
Discover more from Telugu Wonders
Subscribe to get the latest posts sent to your email.
