బీహార్లోని బర్వాన్ కాలా అనే ఈ గ్రామంలో గత పెళ్లి భజెంత్రీలు మోగి సుమారు 50 ఏళ్లు కావస్తోంది. అక్కడ అడుగుపెడితే 18 ఏళ్ల నుంచి 80 ఏళ్ల వయస్సు గల బ్రహ్మచారులు ఎదురవుతారు.
అక్కడ పెళ్లిళ్లు జరగకపోవడం వల్ల జనాభా క్రమేనా తగ్గుతోంది. పైగా, ఊరంతా వృద్ధులతో నిండిపోతోంది. 3000 జనాభా కలిగిన ఈ గ్రామంలో సుమారు 130 మంది బ్రహ్మచారులు ఉన్నారు. ఊరిలో అమ్మాయిల సంఖ్య చాలా తక్కువగా ఉండటంతో పొరుగు గ్రామాల్లోని అమ్మాయిలను పెళ్లి చేసుకోవల్సిన పరిస్థితి అక్కడ ఉంది. అయితే, వీరంతా ఇలా బ్రహ్మచారుల్లా ఉండిపోవడానికి కారణం.. అమ్మాయిలు దొరక్కకాదు. ఆ గ్రామానికి సరైన మౌళిక సదుపాయాలు లేక.
🔶కనీస మౌలిక సదుపాయాలు లేని ఊరు :
కైమూర్ పర్వత ప్రాంతంలో ఉన్న ఈ గ్రామానికి కనీసం రహదారి కూడా లేదు. విద్యుత్, నీరు వంటి మౌళిక సదుపాయాలు లేక ఆ గ్రామస్థులు ఇంకా చీకటి రోజుల్లోనే జీవిస్తున్నారు. దీంతో ఆ గ్రామంలో యువకులకు అమ్మాయిలను ఇవ్వడానికి ఎవరూ ముందుకు రావడంలేదు. మౌలిక సదుపాయాలపై తమ గళం వినిపించేందుకు ఇటీవల ఈ గ్రామస్థులంతా ఎన్నికలను బహిష్కరించారు.
🌟50 ఏళ్ల తర్వాత వచ్చిన వధువు :
2017లో 50 ఏళ్ల రికార్డును బ్రేక్ చేస్తూ ఓ వధువు ఆ ఊర్లో అడుగుపెట్టింది. ఆమెను ఆహ్వానించేందుకు ఊరంతా కలిసి స్వయంగా రోడ్లు బాగుచేసుకోవడం గమనార్హం.
Discover more from Telugu Wonders
Subscribe to get the latest posts sent to your email.
