త్వరలో విడుదల చేసేందుకు రెడీగా ఉన్న మోడల్ ఫోన్ పోయింది తెచ్చిన వారికి 4 లక్షలు

తమహానర్ఉద్యోగి జర్మనీలో పోగొట్టుకున్న ఫోన్ ని వచ్చే నెల 21లోపు తెచ్చినవారికీ భారీ ఆఫర్..ప్రకటించిన ఓ కంపెనీ పోయిన ఫోన్ ని తిరిగితీసుకువస్తే 4 లక్షల క్యాష్ ప్రైజ్ ఇస్తుందట.ఆ తర్వాత తీసుకోబోమని కూడా ప్రకటన చేసిందా కంపెనీ. సాధారణంగా మన మొబైల్ ఫోన్లు పోతే చాలా ఇబ్బంది పడిపోతాం. మన కాంటాక్టులు, బ్యాంకు ఖాతా వివరాలు అన్నీ దానితోనే ముడిపడి ఉంటాయి కాబట్టి నానా కష్టాలను ఎదుర్కొంటాం. తాజాగా ప్రముఖ ఎలక్ట్రానిక్, ఫోన్ తయారీ కంపెనీ హానర్ కు సంబందించిన ఫోన్ ఒకటి పోయిందట. అలాగని ఆ ఫోన్ ఏ వ్యక్తికీ సంబంధించింది కాదట. కానీ తమ ఉద్యోగి ఒకరు ఫోన్ ను పోగొట్టుకున్నారనీ, అది తీసుకొచ్చి ఇచ్చినవారికి రూ.4 లక్షలు(5,000) ఇస్తామని ప్రకటించింది ఆ సంస్థ.ఓ ఫోన్ కు రూ.4 లక్షలు ఇవ్వడం ఏంటి?

🔴ఎందుకు ఇదంతా అని ఆశ్చర్యపోకండి :ఎందుకంటే అది ప్రోటోటైప్ ఫోన్. అంటే త్వరలో విడుదల చేసేందుకు సిద్ధమవుతున్న మోడల్ అన్నమాట.
🔴అసలు ఆ ఫోన్ ఎలా పోయింది: తమ సంస్థలో పనిచేసే ఉద్యోగి ఒకరు డస్సెడ్రాఫ్‌ నుంచి జర్మనీలోని మ్యూనిచ్‌కు ఐసీఈ 1125 రైలులో ఏప్రిల్‌ 22న వెళుతుండగా ఈ ఘటన జరిగిందని హానర్ తెలిపింది. ఈ ఫోన్ బూడిద రంగులో ఉందనీ, దీనికి కవర్ కూడా ఉందని వెల్లడించింది. ఈ మేరకు కంపెనీ తన అధికారిక ట్విట్టర్ అకౌంట్ లో స్పందించింది. అన్నట్లు వచ్చే నెల 21లోపే తీసుకురావాలనీ, ఆ తర్వాత తాము తీసుకోబోమని హానర్ షరతు పెట్టింది. ఆ రోజున లండన్ లో జరిగే ఓ కార్యక్రమంలో హానర్ 20 సిరీస్ లో పలు మోడల్స్ ను విడుదల చేయనుంది. ఆ కంపెనీ ఇటీవల చైనాలో జరిగిన ఓ కార్యక్రమంలో హానర్‌ 20, హానర్‌ 20 ప్రో, హానర్‌ 20ఏ, హానర్‌ 20సీ, హానర్‌ 20 ఎక్స్‌లను విడుదల చేసింది. కొంత మంది మాత్రంఫోన్ నిజంగా పోయిందో,లేక ఇదంతా ఒక రకమైన ప్రమోషనో అనుకుంటున్నారు.