క్షమించమని భారీ పోస్ట్ పెట్టిన ఆ సూపర్ స్టార్..

Teluguwonders:

💥‘మిచ్చామి దుక్కడం.. :

తెలిసి కానీ తెలీక కానీ ఎవర్నైనా నేను బాధపెట్టి ఉంటే శిరస్సు వంచి చేతులు జోడించి అడుగుతున్నాను. నన్ను క్షమించండి’ అంటూ ఇన్‌స్టాగ్రామ్‌లో పేర్కొన్నారు బాలీవుడ్ మిస్టర్ పర్‌ఫెక్షనిస్ట్ ఆమిర్ ఖాన్. ఆయన ఉన్నట్టుండి ఇంతటి భారీ పోస్ట్ ఎందుకు చేశారో మాత్రం వెల్లడించలేదు. అయితే ఏటా ‘మిచ్చామి దుక్కడం’ పేరుతో ఆమిర్ ఈ పోస్ట్ పెడుతుంటారు.
బాలీవుడ్ సూపర్ స్టార్ ఆమిర్ ఖాన్ సోషల్ మీడియా వేదికగా తనను క్షమించాలని కోరారు. ఆయన ఉన్నట్టుండి ఎందుకు ఇలా క్షమాపణలు కోరుతున్నారో తెలీదు కానీ అభిమానులు మాత్రం మేమెప్పుడో క్షమించేశాం అంటూ కామెంట్లు పెడుతున్నారు.
దాదాపు రూ.200 కోట్ల బడ్జెట్‌తో తెరకెక్కిన ఠగ్స్ ఆఫ్ హిందుస్థాన్ సినిమా అనూహ్యంగా బాక్సాఫీస్ వద్ద కుప్పకూలిపోయింది. దాంతో తన తదుపరి సినిమాలను కాస్త ఆచి తూచి ఎంచుకుంటున్నారు ఆమిర్.

🌟‘లాల్ సింగ్ చద్దా’ :

1994లో హాలీవుడ్‌లో మంచి విజయం అందుకున్న ‘ఫారెస్ట్ గంప్’ అనే సినిమా రీమేక్‌లో ఆమిర్ నటిస్తున్నారు. ఈ సినిమాకు ‘లాల్ సింగ్ చద్దా’ అనే టైటిల్‌ను ఖరారు చేశారు. అద్వైత్ చందన్ సినిమాకు దర్శకత్వం వహిస్తున్నారు. ఈ సినిమా కోసం ఆమిర్ 20 కిలోల బరువు తగ్గారు. అక్టోబర్ నుంచి సినిమా సెట్స్ మీదకు వెళ్తుంది. ఈ సినిమాకు ఆమిర్ కూడా నిర్మాతగా వ్యవహరిస్తున్నారు. గతంలో అద్వైత్.. ఆమిర్‌ కాంబినేషన్‌లో ‘సీక్రెట్ సూపర్ స్టార్’ సినిమా వచ్చింది. 👉అభిమానుల నాడి బాగా తెలిసినవాడు కాబట్టి ఈసారి ఆయన ఎటువంటి ఆఫ్ బీట్ సినిమాలు కాకుండా రీమేక్‌ను ఎంచుకున్నారు. 👉”మిచ్చామి దుక్కడం” అనేది జైనులు వాడే పదం. దీని అర్థం మనం తెలీక చేసిన చెడు పనులు ఏవీ ఫలించకూడదు అని. జైనుల క్యాలెండర్‌లో ఎంతో పవిత్రమైన చివరి దినాన్ని పార్యుషన అంటారు.

ఆ రోజున మిచ్చామి దుక్కడం పేరిట పాపాల్ని కడిగేసుకోవడానికి ఇలా క్షమాపణలు చెబుతుంటారు. అయితే ఆమిర్ ఖాన్ ముస్లిం అయినప్పుడు వీటిని ఎందుకు నమ్ముతున్నారో. కారణం ఏదైనా.. ఆమిర్ పెట్టిన ఈ పోస్ట్‌కు ట్విటర్‌‌లో మాత్రం ఫన్నీ కామెంట్లు వస్తున్నాయి. 💥ఎప్పుడో క్షమించేశాం’; ఆయన చివరగా నటించిన ఠగ్స్ ఆఫ్ హిందుస్థాన్ సినిమా బాక్సాఫీస్ వద్ద అట్టర్ ఫ్లాప్‌గా నిలిచింది. ఇలాంటి సినిమా తీసి బాధపెట్టినందుకు క్షమాపణలు అడుగుతున్నారేమోననుకుని ‘అందుకు మిమ్మల్ని ఎప్పుడో క్షమించేశాం’ అని కామెంట్లు పెడుతున్నారు.