‘సాహో’ బ్లాక్ బస్టర్ అవ్వాలి అని కోరుకుంటున్న నాని

Teluguwonders:

ప్రస్తుతం అందరి చూపు ‘సాహో’ పైనే ఉంది. ఈ సినిమా మొదలైనప్పటి నుంచే భారీ అంచనాలు ఏర్పడ్డాయి.

👉ఈ సందర్భం గా:

రెబల్ స్టార్ ప్రభాస్‌కు నేచురల్ స్టార్ నాని శుభాకాంక్షలు తెలిపారు. ప్రభాస్ హీరోగా తెరకెక్కుతోన్న ‘సాహో’ అతిపెద్ద బ్లాక్ బస్టర్ హిట్ కావాలని కోరుకున్నారు. తన ‘గ్యాంగ్ లీడర్’ సినిమాకు సంబంధించి ఒక అప్‌డేట్‌ను వదిలారు.

🔴‘బాహుబలి’ లాంటి బ్లాక్ బస్టర్ తరవాత :

బాహుబలి తరవాత ప్రభాస్ నటిస్తోన్న సినిమా కావడంతో దేశ వ్యాప్తంగా ఉన్న ప్రభాస్ ఫ్యాన్స్‌తో పాటు సినీ ప్రేమికులు దీనిపై అంచనాలు భారీగానే పెట్టుకున్నారు. ఈ అంచనాలకు తగ్గట్టుగానే సినిమాను భారీ బడ్జెట్‌తో అంతర్జాతీయ స్థాయిలో తెరకెక్కిస్తున్నారు. తెలుగుతో పాటు హిందీ, తమిళంలో ఒకేసారి తెరకెక్కించి ఒకేసారి ఆగస్టు 30న విడుదల చేస్తున్నారు.

🔶టాలీవుడ్‌కు ప్రముఖుల సంతోషం :

ప్రభాస్‌తో పాటు బాలీవుడ్‌కు చెందిన ప్రముఖ నటీనటులు ఈ చిత్రంలో నటించడంతో మోస్ట్ యాంటిసిపేటెడ్ ఇండియన్ మూవీగా ‘సాహో’ నిలిచింది. ఈ సినిమా ఎప్పుడెప్పుడు థియేటర్లలోకి వస్తుందా ఎప్పుడెప్పుడు చూసేద్దామా అని రెబల్ స్టార్ అభిమానులు ఆత్రుతగా ఎదురు చూస్తున్నారు.
ఇదిలా ఉంటే, ఒక తెలుగు సినిమా ఈ స్థాయిలో హైప్ క్రియేట్ చేయడంపై తెలుగు ప్రేక్షకులతో పాటు టాలీవుడ్‌కు చెందిన ప్రముఖులు చాలా సంతోషం వ్యక్తం చేస్తున్నారు.

👉ఈ సినిమా విజయం సాధిస్తే మనకు సంబరాలు వచ్చినట్టే :

వీరిలో నేచురల్ స్టార్ నాని కూడా ఉన్నారు. ‘సాహో’ పెద్ద విజయం సాధించాలని కోరుకుంటున్నారు. ఈ మేరకు ట్విట్టర్ ద్వారా ప్రభాస్‌కు, ‘సాహో’ టీమ్‌కు ఆయన శుభాకాంక్షలు తెలిపారు. పనిలో పనిగా తన ‘గ్యాంగ్ లీడర్’ సినిమాకు సంబంధించి ఒక అప్‌డేట్‌ను వదిలారు.
‘‘మన సినిమా ‘సాహో’ జాతీయ స్థాయిలో సంచలనం సృష్టిస్తోంది. ఈ సినిమా విజయం సాధిస్తే మనకు సంబరాలు వచ్చినట్టే. ఆగస్టు 30న వస్తోన్న ఈ సినిమా అతిపెద్ద బ్లాక్ బస్టర్ కన్నా తక్కువ కాకుండా విజయం సాధించాలని ప్రభాస్ అన్నకి, చిత్ర బృందానికి శుభాకాంక్షలు తెలియజేస్తున్నాను’’ అని నాని ట్వీట్‌లో పేర్కొన్నారు. దీంతో పాటు ‘గ్యాంగ్ లీడర్’ విడుదల తేదీని రేపు (ఆగస్టు 9న) ప్రకటించనున్నట్లు వెల్లడించారు. అలాగే.. తను, ప్రభాస్ కలిసి డ్యాన్స్ చేస్తోన్న ఫొటోను ట్వీట్‌లో పొందుపరిచారు.

👉 నాని విషెస్‌కు ప్రభాస్ ఫ్యాన్స్ ఫిదా అయిపోయారు. థ్యాంక్స్ అన్న అంటూ కృతజ్ఞతలు తెలుపుతున్నారు.