పవన్ కొత్త సినిమాల లిస్టును ప్రకటించిన ప్రముఖ ఛానెల్ !

Teluguwonders:

పవన్ కళ్యాణ్ తన మనసు మార్చుకుని మూడు సినిమాలు రెండు సంవత్సరాలలో చేయబోతున్నాడు అంటూ ఆ సినిమాల వివరాలను ఒక ప్రముఖ ఛానల్ నిన్న రాత్రి ఒక ప్రత్యేక కథనంలో ప్రసారం చేయడం హాట్ న్యూస్ గా మారింది. ఒక వైపు పవన్ సినిమాలలో నటించను అని పలు సార్లు క్లారిటీ ఇస్తున్న పరిస్థితులలో ఈ కథనంలోని వాస్తవాల గురించి ఇండస్ట్రీ వర్గాలు చాల లోతుగా విశ్లేషిస్తున్నాయి.

ఆ ఛానల్ కథనం ప్రకారం పవన్ ‘జనసేన’ కోసం ప్రతినెల 15 రోజులు జనం మధ్య ఉంటూనే మరో 15 రోజులు తన సినిమాల కోసం కేటాయిస్తాడని ఆ ఛానల్ తన కథనంలో క్లారిటీ ఇచ్చింది. ఈ ఏడాది నవంబర్ నుండి పవన్ కళ్యాణ్ హరీష్ శంకర్ దర్శకత్వంలో త్రివిక్రమ్ శ్రీనివాస్ వ్రాసిన కథలో నటించబోయే షూటింగ్ మొదలు కాబోతోందని ఈ మూవీని మైత్రి మూవీస్ సంస్థ నిర్మిస్తుందని క్లారిటీ ఇచ్చింది.

ఇక పవన్ తన రెండవ సినిమాగా దర్శకుడు డాలి దర్శకత్వంలో నటిస్తాడని ఆ మూవీలో ‘లెక్చరర్’ పాత్రలో పవన్ కనిపించబోతున్న విషయాన్ని బయట పెట్టింది. ఇప్పటికే డాలి చెప్పిన కథ పవన్ కు నచ్చడంతో ఈమూవీ ప్రీ ప్రొడక్షన్ వర్క్స్ కూడ ప్రారంభం అయ్యాయి అంటూ ఈ మూవీని పవన్ సన్నిహితుడు రామ్ తాళ్ళూరి నిర్మిస్తున్నట్లు ఆ ఛానల్ తన కథనంలో సంచలన విషయాలు బయటపెట్టింది.

పవన్ కళ్యాణ్ నటించబోయే మూడవ సినిమాను ప్రముఖ నిర్మాత ఎ.ఎమ్. రత్నం నిర్మిస్తాడని 2021లో విడుదల కాబోయే ఈ మూవీ పూర్తి పొలిటికల్ టచ్ లో ఉంటుందని అయితే ఈ మూవీకి దర్శకుడు ఇంకా ఫిక్స్ కాలేదు అన్న వార్తలను ఆ ఛానల్ చాల ప్రముఖంగా ప్రసారం చేసింది. దీనితో పవన్ సినిమాల రీ ఎంట్రి వార్తలు నిజమేనా అన్న సందేహాలు అభిమానులకు కలుగుతున్నాయి..