చిరంజీవికి సాయం చేస్తున్న అరవింద్ స్వామి

Teluguwonders:

మెగాస్టార్ చిరంజీవికి మరో హీరో సాయం చేస్తున్నారు.ఇక్కడ సాయం అంటే మాట సాయం . తమిళనాట మంచి గుర్తింపు ఉన్న ఒకప్పటి లవర్ బాయ్ అరవింద్ స్వామి ‘సైరా’ సినిమాలో చిరంజీవికి డబ్బింగ్ చెబుతున్నారు.

⭐‘సైరా నరసింహారెడ్డి’ -డబ్బింగ్ కార్యక్రమాలు :

మెగాస్టార్ చిరంజీవి ‘సైరా నరసింహారెడ్డి’ విడుదలకు సిద్ధమవుతోంది. ప్రస్తుతం పోస్ట్ ప్రొడక్షన్ వర్క్ శరవేగంగా జరుగుతోంది. తెలుగుతో పాటు హిందీ, తమిళం, మలయాళం, కన్నడ భాషల్లో ఒకేసారి అక్టోబర్ 2న ఈ చిత్రం విడుదలవుతోంది. అయితే, ప్రస్తుతం ఆ భాషల్లో డబ్బింగ్ కార్యక్రమాలు మొదలుపెడుతున్నారని ఇండస్ట్రీ వర్గాల నుంచి అందిన సమాచారం. ఇతర భాషల్లో చిరంజీవికి డబ్బింగ్ చెప్పే వాయిస్ కోసం వెతుకుతున్నారు.

🔴చిరంజీవికి డబ్బింగ్ చెప్పే పని లో అరవింద్ స్వామి..:

తమిళంలో ప్రముఖ నటుడు అరవింద్ స్వామి.. చిరంజీవికి గొంతును అరువివ్వబోతున్నారు.

🔴‘ధృవ’ పరిచయం తో :

‘ధృవ’ సినిమాలో రామ్ చరణ్, అరవింద్ స్వామి కలిసి నటించిన సంగతి తెలిసిందే. ‘సైరా’కు దర్శకత్వం వహించిన సురేందర్ రెడ్డి ‘ధృవ’ను తెరకెక్కించారు. దీంతో చరణ్, సురేందర్ రెడ్డిలతో అరవింద్ స్వామికి మంచి స్నేహం ఏర్పడింది. ఈ సాన్నిహిత్యంతోనే చరణ్, సురేందర్ కోసం అరవింద్ స్వామి ముందు కొచ్చారని సమాచారం. ఈమేరకు రామ్ చరణ్.. అరవింద్ స్వామిని సంప్రదించగా ఆయన చిరంజీవికి డబ్బింగ్ చెప్పడానికి అంగీకరించారట. ఇప్పటికే అరవింద్ స్వామి వాయిస్‌ను కూడా టెస్ట్ చేశారట. కొన్ని తమిళ డైలాగులు రాసి అరవింద్ స్వామికి పంపారని, దానికి డబ్బింగ్ చెప్పి ఆ ఆడియోను వాట్సాప్‌లో రామ్ చరణ్‌కు పంపించారని ‘సైరా’ యూనిట్‌కు చెందిన ఒకరు వెల్లడించారు.

💥అరవింద్ స్వామి వాయిస్‌ బాగుందని :

అరవింద్ స్వామి డబ్బింగ్ వాయిస్‌ను రామ్ చరణ్ తన తండ్రి చిరంజీవికి వినిపించారట. తనకు ఆ వాయిస్ కరెక్ట్‌గా సరిపోతుందని చిరంజీవి వెంటనే ఓకే చేసేశారని విశ్వసనీయంగా తెలిసింది.

👉సైరా కోసం కమల్ హాసన్ ,మోహన్ లాల్ :

ఇప్పటికే ఈ సినిమాకు తమిళంలో కమల్ హాసన్ వాయిస్ ఓవర్ ఇస్తున్నారు. మలయాళంలో మోహన్ లాల్ ఈ సినిమాకు వాయిస్ ఓవర్ ఇస్తున్నారు. 🔴ఇప్పుడు చిరంజీవికి అరవింద్ స్వామి డబ్బింగ్ చెబుతుండటంతో అక్కడ ఈ సినిమాకు మంచి ప్రచారం లభించినట్టే.