Teluguwonders:
గూగుల్ క్రోమ్ వాడుతున్నారా? వెంటనే కొత్త అప్‌డేట్‌ను ఇన్‌స్టాల్ చేసుకోండి లేకపోతే.. మీ కంప్యూటర్, ఫోన్లను హ్యాకర్లు హైజాక్ చేసేస్తారు. మీ బ్యాంక్ వివరాలు లేదా రహస్య సమాచారాన్ని హ్యాకర్లు చేజిక్కించుకునే ప్రమాదం కూడా ఉందట.
💥Metro’ వెబ్‌సైట్ వెల్లడించిన కధనం ప్రకారం :
మీ ఫోన్ లేదా డెస్క్‌టాప్, ల్యాప్‌టాప్‌లలో గూగుల్ క్రోమ్ (Google chrome) బ్రౌజర్ వాడుతున్నారా? అయితే, వెంటనే దాన్ని అప్‌డేట్ చేసుకోండి. లేకపోతే మీ డేటా లేదా మీ రహస్య సమాచారం ఇతరుల చేతులకు చిక్కే ప్రమాదం ఉంది. ఈ విషయాన్ని గూగుల్ స్వయంగా వెల్లడించింది. ఈ మేరకు అర్జెంట్ అప్‌డేట్‌ను ఇష్యూ చేసినట్లు ‘Metro’ వెబ్‌సైట్ వెల్లడించింది.
👉ఇంతకీ సమస్య ఏంటంటే :
బ్రౌజర్‌లోని కంటెక్ట్స్‌లో గల ఆర్బిట్రరీ కోడ్‌ను హ్యాకర్స్ చేజిక్కించుకున్నారని, క్రోమ్ వినియోగదారుల సీక్రెట్ డేటాను చూడటమే కాకుండా, దాన్ని ఎడిట్ లేదా డిలీట్ చేయగలరని పేర్కొంది.
💥ముఖ్యంగా :
బ్రౌజర్‌లో నిక్షిప్తమయ్యే బ్యాంక్ వివరాలు లేదా రహస్య సమాచారాన్ని హ్యాకర్లు చేజిక్కించుకుని బెదిరింపులకు పాల్పడే అవకాశాలున్నాయి.
సెంటర్ ఫర్ ఇంటర్నెట్ సెక్యూరిటీ ఈ సమస్యను గుర్తించింది. హ్యాకర్లు ప్రస్తుత వినియోగదారుల సమాచారాన్ని సేకరించి.. అవే వివరాలతో కొత్త అకౌంట్‌ను సృష్టించుకోవచ్చని పేర్కొంది. ఈ నేపథ్యంలో గూగుల్ ఈ సమస్యను పరిషర్కించే ప్రయత్నాలు మొదలుపెట్టింది. ఇప్పటికే Macలో ఈ సమస్యను పరిష్కరించింది. రానున్న వారాల్లో లినక్స్, విండోస్‌లలో కూడా ఈ సమస్యను పరిష్కరించనుంది.
ఇలా చేస్తే సేఫ్ :
హ్యాకర్లకు మీ సమాచారం చిక్కకూడదంటే క్రోమ్ వినియోగదారులు గుర్తింపు పొందని వెబ్‌సైట్ లింకులు, హైపర్ లింకులు క్లిక్ చేయకపోవడమే ఉత్తమం. So.. be care full.
