సై రా కి సపోర్ట్ గా రంగం లో దిగుతున్న అల్లు అరవింద్

Teluguwonders:

మెగాస్టార్ చిరంజీవి చాలా ప్రతిష్ఠాత్మకంగా తీసుకుని చేస్తున్న సినిమా ‘సైరా’. ఎప్పటినుండో చిరంజీవికి డ్రీం ప్రాజెక్ట్‌గా ఉన్న ‘సైరా’ని సరిగ్గా తెరకెక్కించే సరికి ఇంత టైం పట్టింది. రూ.250 కోట్ల భారీబడ్జెట్‌తో తెరకెక్కిన ఈ సినిమాకి అనుకున్నంత రేంజ్‌లో మాత్రం బిజినెస్ జరగట్లేదు అనేది నిజం. ‘బాహుబలి’లా ఉండాలి అని ‘సైరా’కి బడ్జెట్ పెంచిన రామ్‌చరణ్ ఈ సినిమాకి సేలబుల్ పాయింట్ ఏంటి అనేది మాత్రం అంచనా వెయ్యలేకపోయారు.అయితే ఈ సినిమా ట్రైలర్ రిలీజ్ చేసి అప్పుడు బిజినెస్ స్టార్ట్ చేసి ఉంటే బావుండేది. కానీ చిన్న టీజర్ చూపించి సినిమా అమ్మాలి అనుకోవడం ఇబ్బందిగా మారింది.
తెలుగు వరకు వర్క్ అవుట్ అవుతున్న చిరు ఇమేజ్ మిగతా భాషల్లో మాత్రం తేలిపోతుంది. డైరెక్టర్ సురేందర్‌రెడ్డి పరిస్థితి కూడా అంతే. రాజమౌళికి మక్కీ (‘ఈగ’ హిందీ వెర్షన్)తో వచ్చిన గుర్తింపు ‘బాహుబలి’ టైంకి వర్కౌట్ అయ్యింది. ఇక సినిమాలో కంటెంట్ బావుండడంతో అందులో నటించిన ప్రతి ఒక్కరికి గుర్తింపు దక్కింది.

కానీ ‘సైరా’ పరిస్థితి వేరు. ‘సైరా’కి చిక్కులు..
రాయలసీమ పోరాటయోధుడు, తొలితరం స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితం ఆధారంగా తెరకెక్కుతోన్న చిత్రం ‘సైరా’. ఈ సినిమాపై తెలుగు ప్రేక్షకుల్లో భారీ అంచనాలున్నాయి. కానీ, మిగిలిన రాష్ట్రాల్లో అది కనిపించడంలేదు.అందుకే పెట్టిన భారీ ‌బడ్జెట్‌ను రికవరీ చెయ్యడం కోసం నానా తంటాలు పడాల్సి వస్తుంది.
బాలీవుడ్‌లో రిలీజ్ చేసేందుకు ఎక్సెల్ ఎంటర్టైన్మెంట్స్ ముందుకు వచ్చింది అని సంతోషపడ్డారు. కానీ, వాళ్ళు ముందు కేవలం అడ్వాన్స్ ఇచ్చి సినిమా రిలీజ్ చేస్తాం అన్నారు. కానీ, ‘సాహో’ రిలీజ్ అయ్యి డిజాస్టర్ అనిపించుకోవడంతో ఒక్కసారిగా లెక్కలు మారిపోయాయి. ‘సైరా’ కూడా టాలీవుడ్ నుండి వస్తున్న సినిమా కావడంతో ఎక్కువ ఇవ్వలేం అన్నట్టు చెబుతున్నారని టాక్. ‘సైరా’ కష్టాలు ఇక్కడితో ఆగిపోలేదు.

పాన్ ఇండియా సినిమాకు తమిళ్, మలయాళీ మార్కెట్స్ కూడా కీలకమే. అయితే ‘సాహో’ ఎఫెక్ట్ ఆ రెండు చోట్ల సినిమా కొనుక్కున్నవాళ్లకు గట్టిగా తగిలింది. దాంతో నెల రోజుల గ్యాప్‌లో మళ్ళీ ఒక తెలుగు సినిమాని నమ్మి అంత భారీ రేట్లు పెట్టడానికి ఎవ్వరూ ముందుకు రావట్లేదు. ఇక్కడ కూడా ప్రభాస్ ఇమేజ్‌కి, చిరు ఇమేజ్‌కి మధ్య ఉన్న డిఫరెన్స్ బాగా తెలుస్తుంది.

సపోర్ట్ గా అల్లు ‌అరవింద్ ఎంట్రీ!:

• ఈ బిజినెస్ విషయాల్లో పెద్దగా అనుభవం లేని రామ్‌చరణ్ కాస్త కంగారు పడుతున్నాడట. ‘ఖైదీ నంబర్ 150’ టైమ్‌లో కూడా చరణ్‌కి సేమ్ సిట్యుయేషన్ ఎదురయ్యింది. అప్పుడు కూడా చిరంజీవి రిక్వెస్ట్‌తో ఎంట్రీ ఇచ్చిన అల్లు అరవింద్ సినిమా అమ్మడంలో సాయం చేసారు. ఎలాంటి స్ట్రాటజీ వాడాలి అనేది కూడా చరణ్‌కి వివరించారు అని మాట్లాడుకున్నారు. ఇప్పుడు ‘సైరా’కి కూడా అల్లు‌ అరవింద్ సపోర్ట్ తీసుకున్నారు అని తెలుస్తుంది.
• అల్లు ‌అరవింద్‌కి తమిళ్‌లో, మలయాళంలో ఉన్న పరిచయాలతో అక్కడ ఈ సినిమాకి డీసెంట్ డీల్ సెట్ అయ్యింది. పైగా ‘సాహో’ పోటు ‘సైరా’ని బాగా ఇబ్బందిపెడుతుంది.
• పాన్ ఇండియా సినిమాని తియ్యడం మాత్రమే కాదు దాన్ని రిలీజ్ చెయ్యడం కూడా చాలా కష్టం అని ‘సైరా’ నిరూపిస్తుంది.

‘సాహో’ వల్ల కలిగిన నష్టాన్ని ‘సైరా’ పూడుస్తుందో లేదో తెలియాలంటే oct 2 వరకూ వేచి చూడాల్సిందే. .ఒకవేళ సై రా వర్క్ ఔట్ కాకపోతే ఇకపై మన తెలుగు నుండి వచ్చే పాన్ ఇండియా మూవీస్ కి లాభం లేకుండా పోతుంది