ఆర్మీ రిక్రూట్‌మెంట్‌ కోసం ధరఖాస్తులు

Teluguwonders:

ఆర్మీలో ఉద్యోగం చేయడం మీ కలా? ఎలాగైనా ఆర్మీలో జాబ్ సంపాదించాలనుకుంటున్నారా? అవకాశం వచ్చేసింది. అక్టోబర్ 7 నుంచి అక్టోబర్ 17 వరకు కరీంనగర్‌లో ఆర్మీ రిక్రూట్‌మెంట్ ర్యాలీ జరగబోతోంది. సికింద్రాబాద్‌లోని ఆర్మీ రిక్రూటింగ్ ఆఫీస్ ఈ ర్యాలీ నిర్వహించనుంది. తెలంగాణలోని 33 జిల్లాల అభ్యర్థులు కరీంనగర్‌లో జరిగే ఆర్మీ రిక్రూట్‌మెంట్ ర్యాలీకి హాజరు కావచ్చు. అంతకంటే ముందు వెబ్‌సైట్‌లో దరఖాస్తు చేయాలి. ఆర్మీ రిక్రూట్‌మెంట్ ర్యాలీ జరిగే తేదీ, సమయం అడ్మిట్ కార్డుపైన ఉంటుంది. అభ్యర్థులు అడ్మిట్ కార్డుతో పాటు దరఖాస్తు ఫామ్, అవసరమైన డాక్యుమెంట్లు ర్యాలీ జరిగే ప్రాంతానికి తీసుకురావాలి. ఆర్మీ రిక్రూట్‌మెంట్ ర్యాలీకి సంబంధించిన నోటిఫికేషన్ విడుదల చేసారు.

దరఖాస్తు ప్రారంభం: 2019 ఆగస్ట్ 23

దరఖాస్తు ముగింపు: 2019 సెప్టెంబర్ 22

అడ్మిట్ కార్డ్ డౌన్‌లోడ్: 2019 సెప్టెంబర్ 23 తర్వాత

రిక్రూట్‌మెంట్ ర్యాలీ తేదీలు: అక్టోబర్ 7 నుంచి అక్టోబర్ 17 వరకు

సోల్జర్ టెక్నికల్
సోల్జర్ టెక్నికల్-యానిమేషన్ / ఆమ్యూషన్ ఎగ్జామినర్
సోల్జర్ నర్సింగ్ అసిస్టెంట్
సోల్జర్ క్లర్క్ అండ్ స్టోర్ కీపర్ టెక్నికల్
సోల్జర్ జనరల్ డ్యూటీ
సోల్జర్ ఫార్మా
సోల్జర్ ట్రేడ్స్‌మ్యాన్

గతంలో నిర్వహించిన ఆర్మీ రిక్రూట్‌మెంట్ ర్యాలీలో 900 మంది అభ్యర్థుల్ని ఎంపిక చేశారు.

వారికి ఆర్మీలో ఉద్యోగాలు వచ్చాయి. ఈసారి ఎంతమందిని సెలెక్ట్ చేస్తారన్న విషయంపై స్పష్టత లేదు. ఆర్మీ ఉద్యోగాలు ఇప్పిస్తామని ఎవరైనా దళారులు సంప్రదిస్తే వారి మాటలు నమ్మొద్దని, నియామక ప్రక్రియ పారదర్శకంగా ఉంటుందని ఆర్మీ రిక్రూటింగ్ ఆఫీస్ హెచ్చరిస్తోంది.