ఆశా భోస్లే అంత్యక్రియలు నేడు ముంబైలో రాష్ట్ర గౌరవాలతో వీడ్కోలు..

ప్రఖ్యాత గాయని Asha Bhosle మరణంతో భారతీయ సంగీత ప్రపంచం తీవ్ర విషాదంలో మునిగిపోయింది. 92 ఏళ్ల వయసులో ఆమె ముంబైలో కన్నుమూశారు. ఆమెకు దేశవ్యాప్తంగా అభిమానులు, సినీ ప్రముఖులు నివాళులు అర్పిస్తున్నారు.

పద్మ విభూషణ్ అవార్డు గ్రహీత అయిన ఆశా భోస్లే ఏప్రిల్ 12న ముంబైలోని Breach Candy Hospital లో మల్టీ ఆర్గాన్ ఫెయిల్యూర్ కారణంగా తుదిశ్వాస విడిచారు.

ఆమె అంత్యక్రియలు నేడు ముంబైలో రాష్ట్ర గౌరవాలతో నిర్వహించనున్నారు. ఉదయం 11 గంటల నుంచి లోయర్ పారెల్‌లోని ఆమె నివాసంలో పార్థివ దేహాన్ని ప్రజల సందర్శనార్థం ఉంచుతారు. అభిమానులు, ప్రముఖులు పెద్ద సంఖ్యలో తరలివచ్చే అవకాశం ఉంది.

సాయంత్రం 4 గంటలకు Shivaji Park Crematorium లో అంతిమ సంస్కారాలు జరగనున్నాయి. మహారాష్ట్ర ప్రభుత్వం పూర్తి రాష్ట్ర గౌరవాలతో ఆమెకు వీడ్కోలు పలకనుంది.

ఆమె మరణ వార్తను కుమారుడు ఆనంద్ భోస్లే ధృవీకరించారు. ఛెస్ట్ ఇన్ఫెక్షన్, అలసటతో ఆసుపత్రిలో చేరిన ఆమెకు తర్వాత కార్డియాక్ అరెస్ట్ సంభవించి మల్టీ ఆర్గాన్ ఫెయిల్యూర్ కారణంగా మరణించారని వైద్యులు తెలిపారు.

భారతీయ సంగీత రంగంలో ఆశా భోస్లే చేసిన సేవలు చిరస్థాయిగా నిలిచిపోతాయి. ఆమె గాత్రం తరతరాలకు స్ఫూర్తిగా నిలుస్తుందని ప్రముఖులు అభిప్రాయపడుతున్నారు.