క్రిస్టల్ ప్యాలెస్పై లివర్పూల్కు పెనాల్టీ షాక్ – హెండర్సన్ గోల్కీపింగ్ మ్యాజిక్

లండన్: crystal palace vs liverpool

కమ్యూనిటీ షీల్డ్లో క్రిస్టల్ ప్యాలెస్, లివర్పూల్ జట్ల మధ్య ఆదివారం జరిగిన రోమాంచక పోరులో క్రిస్టల్ ప్యాలెస్ గోల్కీపర్ డీన్ హెండర్సన్ అసాధారణ ప్రదర్శనతో తన జట్టుకు విజయాన్ని అందించారు. సాధారణ సమయంలో 2-2తో ముగిసిన మ్యాచ్, పెనాల్టీ షూటౌట్లో ముగింపు చూశింది.

మొదటి అర్థభాగంలో లివర్పూల్ తరఫున కొత్త ఆటగాళ్లు హ్యూగో ఎకిటికె, జెరెమీ ఫ్రింపోంగ్ గోల్స్ చేసి జట్టుకు ఆధిక్యం ఇచ్చారు. అయితే ప్రతి సారి క్రిస్టల్ ప్యాలెస్ సమాధానం ఇచ్చింది. మొదట జీన్-ఫిలిప్ మటటా, తరువాత ఇస్మైలా సార్ర్ గోల్స్తో సమీకరణం 2-2గా నిలిపారు.

పెనాల్టీ షూటౌట్లో హెండర్సన్ తన గొప్ప ప్రతిభను చూపించారు. లివర్పూల్ స్టార్ మొహమ్మద్ సలాహ్ సహా ఇద్దరి పెనాల్టీలను అడ్డుకున్నారు. ఆస్థాయి ఒత్తిడిలోనూ అతని ధైర్యం, టైమింగ్ మ్యాచ్ను తన జట్టువైపు తిప్పింది.

చివరగా జస్టిన్ డెవెన్ని నెట్టిన విజయవంతమైన ఐదో పెనాల్టీతో క్రిస్టల్ ప్యాలెస్ 3-2తో కమ్యూనిటీ షీల్డ్ను కైవసం చేసుకుంది. విజయం అనంతరం మాట్లాడుతూ హెండర్సన్, “పెద్ద మోమెంట్స్ అంటే నాకు ఎప్పటికీ ప్రత్యేకం. పెనాల్టీలపై చేసిన హోంవర్క్ విజయం తెచ్చింది” అని ఆనందం వ్యక్తం చేశారు.

ఈ విజయం ప్యాలెస్కు రెండునెలల్లో రెండో ట్రోఫీ కావడం విశేషం. హెండర్సన్ ప్రదర్శన మ్యాచ్కు చరిత్రాత్మకమైన ముద్రవేసింది.