విచిత్రం : కడుపులో చనిపోయిన పిండం..పూల కుండీలో మొక్కలా తిరిగి…పుట్టింది..

‘‘నా బిడ్డలో శరీర అవయవాలన్నీ సక్రమంగా ఉన్నాయి. కాళ్లు, చేతులు, ముఖం.. అన్నీ తగిన రూపంలో ఉన్నాయి. కానీ, గుండె కూడా సక్రమంగా పనిచేసి ఉంటే నా బిడ్డను ఈ స్థితిలో చూడాల్సి వచ్చేది కాదు. ఇంకో 175 రోజుల్లో ప్రసవం అనగా.. అలా జరిగింది. నా బిడ్డ గుండె ఆగిందంటే.. నా గుండె ఆగినట్లయ్యింది’’ అంటూ భావోద్వేగానికి గురైంది అమెరికా కు చెందిన ఒక యువతి.

🔴విషాదం ఏంటంటే…: ఆమె కడుపులో పెరుగుతున్న బిడ్డ.. 14 వారాలకే చనిపోయింది. దీంతో వైద్యులు ఆమె గర్భం నుంచి పిండాన్ని తొలగించారు. ఆమె కోరిక మేరకు ఆ పిండాన్ని ఆమెకే అప్పగించారు. ఆ పిండాన్ని చూసి కన్నీరు మున్నీరైన ఆ మహిళ.. జీవితాంతం ఆ ‘బిడ్డ’ తమతో ఉండేందుకు మొక్కలను పెంచే కుండీలో పూడ్చిపెట్టింది. హృదయం ద్రవింపజేసే ఈ ఘటన అమెరికాలోని మిస్పోరీలో చోటుచేసుకుంది.

🔴వివరాల్లోకి వెళ్తే :

ఆమె పేరు శర్రాన్ సుదేర్లాండ్. కొద్ది రోజుల కిందట ఆమె గర్భంలో పెరుగుతున్న పిండం చనిపోయింది. గుండె కొట్టుకోవడం ఆగిపోవడంతో వైద్యులు పిండాన్ని తొలగించాలని తెలిపారు. ఈ క్రమంలో పిండం ముక్కలవుతుందన్నారు. దీంతో ఆమె పిండాన్ని ముక్కలు చేయొద్దని కోరడంతో వైద్యులు సర్జరీతో వెలికి తీశారు. అనంతరం పిండాన్ని ఆమె తన ఇంటికి తీసుకెళ్లింది.

పిండం ఎక్కువ రోజులు నిల్వ ఉండేందుకు సిలైన్ సీసాలో పెట్టి ఫ్రిజ్‌లో పెట్టింది. 14 వారాలకే ఆ పిండానికి పూర్తిగా అవయవాలన్నీ తయారయ్యాయి. వైద్యులు దాన్ని వెలికి తీసేప్పుడు కేవలం 26 గ్రాముల బరువు, 4 ఇంచుల పొడవు మాత్రమే ఉంది. వారం రోజులపాటు ఆ పిండాన్ని ఫ్రిజ్‌లో ఉంచిన శర్రాన్.. చివరికి పూడ్చిపెట్టక తప్పలేదు.

🔴ఆ తల్లి ఆవేదన :
‘‘వైద్యులు నా బిడ్డను పిండం అనడం నచ్చలేదు. దాన్ని వారు మెడికల్ వేస్ట్ అని చెప్పారు. ఆ మాటలకు నాకెంతో కోపం వచ్చింది. ఆ పిండాన్ని నాకు అప్పగించాలని కోరాను. ఆ తర్వాత దాన్ని ఎలా కాపాడుకోవాలో నాకు అర్థం కాలేదు. హాస్పిటల్ నుంచి తెచ్చిన సెలైన్ బాటిల్‌లో ఆ బిడ్డను ఉంచి ఫ్రిజ్‌లో పెట్టాను. నాకు బిడ్డను పూడ్చిపెట్టే ఉద్దేశం లేదు. లోకం నా గురించి తప్పుగా అనుకున్నా ఫర్వాలేదు అని అనుకున్నా. కానీ, అలా ఉంచితే పాడవ్వుతుందని చెప్పారు. ఆ ప్రాణానికి ఊపరి పోయాలనే ఉద్దేశంతో పూల కుండీలో పూడ్చి పెట్టాను. ఇకపై నా బిడ్డ ఆ మొక్క రూపంలో ఎదుగుతాడు’’ అని తెలిపింది. ఆ కన్న తల్లి మనసు తన బిడ్డ కోసం పడుతున్న బాధను వర్ణించడం..అసాధ్యం..