కోట్ల ఆస్తులు.. లగ్జరీ ఇల్లు వదిలేసి పల్లెటూరిలో ఉంటున్న స్టార్ హీరో.. కారణం తెలిసి ఆశ్చర్యపోతున్న జనాలు..

భారతీయ సినిమా ప్రపంచంలో తనదైన నటనతో ప్రత్యేక గుర్తింపు తెచ్చుకున్న ఓ అగ్ర నటుడు… కోట్ల ఆస్తులు, లగ్జరీ జీవితం ఉన్నప్పటికీ నగర హడావుడికి దూరంగా పల్లెటూరిలో సాధారణ జీవితం గడుపుతున్నాడు. ఇంతకీ ఆ స్టార్ హీరో ఎవరు? ఎందుకు గ్రామ జీవితం ఎంచుకున్నాడు? తెలుసుకుందాం.

కోట్ల ఆస్తులు వదిలి పల్లెటూరిలో ఉంటున్న స్టార్ హీరో.. కారణం ఇదే!

బాలీవుడ్‌లో విలక్షణ నటుడిగా పేరు తెచ్చుకున్న నటుడు నానా పటేకర్. 1978లో వచ్చిన ‘గమన్’ సినిమాతో సినీ రంగంలోకి అడుగుపెట్టిన ఆయన దాదాపు నాలుగు దశాబ్దాలుగా ఇండస్ట్రీలో కొనసాగుతూ వందలాది చిత్రాల్లో తన నటనతో ప్రేక్షకులను ఆకట్టుకున్నారు.

సినిమాల్లో భారీ విజయాలు సాధించి, కోట్ల రూపాయల ఆస్తులు సంపాదించినప్పటికీ నానా పటేకర్ మాత్రం సాధారణ జీవనశైలినే ఇష్టపడతారు. సుమారు 10 మిలియన్ డాలర్లు (దాదాపు రూ.72 కోట్లు) విలువైన ఆస్తులు, లగ్జరీ కార్లు, నగరంలో ఇళ్లు ఉన్నప్పటికీ ఆయన ముంబై జీవితానికి దూరంగా ప్రశాంతమైన గ్రామ వాతావరణాన్ని ఎంచుకున్నారు.

పూణే సమీపంలోని ఖడక్వాస్లా ప్రాంతంలో 25 ఎకరాల విస్తీర్ణంలో ఉన్న తన ఫామ్ హౌస్‌లో కుటుంబంతో కలిసి నివసిస్తున్నారు. అక్కడ వ్యవసాయం చేస్తూ రైతు జీవితాన్ని ఆస్వాదిస్తున్నారు. ధాన్యాలు, గోధుమలు, ఆకుకూరలు పండిస్తూ ప్రకృతి మధ్య సింపుల్ లైఫ్ గడుపుతున్నారు.

ఈ ఫామ్ హౌస్‌లో ఏడు గదులు, ఒక పెద్ద హాలు ఉండగా, చెక్క ఫర్నిచర్, టెర్రకోట ఫ్లోరింగ్‌తో సహజ వాతావరణానికి దగ్గరగా ఇంటిని నిర్మించారు. ఇంటి చుట్టూ చెట్లు, మొక్కలు నాటి పచ్చదనాన్ని పెంచారు. గేదెలు, ఆవులు కూడా పెంచుతూ గ్రామీణ జీవనాన్ని పూర్తిగా ఆస్వాదిస్తున్నారు.

ఆయన వద్ద రూ.81 లక్షల విలువైన ఆడి Q7, మహీంద్రా స్కార్పియో, రాయల్ ఎన్‌ఫీల్డ్ క్లాసిక్ 350 వంటి వాహనాలు ఉన్నప్పటికీ, వ్యక్తిగత జీవితంలో మాత్రం చాలా సాదాసీదాగా ఉంటారు. సినిమా షూటింగ్‌ల కోసం మాత్రమే ముంబైకి వెళ్లే నానా పటేకర్, పని పూర్తయ్యాక వెంటనే తన గ్రామానికి తిరిగి వెళ్తారు.

గ్లామర్ ప్రపంచానికి దూరంగా ప్రకృతితో కలిసి జీవించాలనే ఆయన నిర్ణయం ఇప్పుడు అభిమానులను ఆశ్చర్యపరచడమే కాకుండా, చాలా మందికి ప్రేరణగా మారుతోంది.