విక్రమార్కుడు మళ్లీ రాబోతున్నాడు

Teluguwonders: 23-జూన్-2006 లో ఎస్. ఎస్. రాజమౌళి దర్శకత్వంలో మాస్ మహారాజా రవితేజ నటించిన `విక్రమార్కుడు’ విడుదలై ఎంతటి సెన్సేషన్ సృష్టించిందో తెలిసిందే. ఇందులో రవితేజ, అనుష్క ముఖ్యపాత్రల్లో నటించారు. ఎం. ఎం. కీరవాణి సంగీత దర్శకత్వం వహించారు.అత్తిలి సత్తి అండ్ విక్రమ్ రాథోడ్ గా గా రవితేజ అసమాన నటనకు అభిమానులు బ్రహ్మరథం పట్టిన సంగతి తెలిసిందే. ఆ సినిమాకి సీక్వెల్ స్టోరి రెడీ అవుతోందంటూ ఏళ్ల తరబడి ప్రచారం సాగుతూనే ఉంది. అసలు ఆ సినిమా పట్టాలెక్కింది లేదు కానీ.. ప్రచారార్భాటం మాత్రం సాగుతోంది. దీనిపై అటు రాజమౌళి కానీ.. కథారచయిత విజయేంద్ర ప్రసాద్ కానీ సరైన సమాధానం ఇవ్వలేదు.
అయితే ఎట్టకేలకు దీనిపై ఓ అప్ డేట్ వచ్చింది.

🔴 కొత్త అప్ డేట్ ఇచ్చి న దర్శకుడు : దర్శకుడు అంటే రాజమౌళి కాదు,దర్శకుడు ప్రభుదేవా నుంచి వచ్చిన అప్ డేట్ ఇది. గతం లో కిలాడీ అక్షయ్ కుమార్ తో రౌడీ రాధోర్ అనే పేరు తో `విక్రమార్కుడు` ని హిందీ లో రీమేక్ చేశారు ప్రభుదేవా. ఇప్పుడు దానికి సీక్వెల్ చేస్తున్నానని ప్రభుదేవా ప్రకటించడం ఆసక్తిని రేకెత్తిస్తోంది. .

✍విజయేంద్ర ప్రసాధ్ కథని సిద్ధం చేసేశారా.. ?

విజయేంద్ర ప్రసాద్ ఇండియాలోనే ఠఫ్ బిజీ రైటర్. ఆయన ప్రస్తుతం కంగన – జయలలిత బయోపిక్ .. ఆర్.ఆర్.ఆర్ చిత్రాలతో బిజీగా ఉన్నారు. ఇక కథను డెవలప్ చేస్తున్నామని ప్రభుదేవా అన్నారు కాబట్టి.. ప్రభుదేవా- విజయేంద్ర ప్రసాద్ జోడీ కలిసి పని చేస్తున్నారని భావించవచ్చు.
మరి విక్రమార్కుడు సీక్వెల్ గురించిన అప్ డేట్ ఆయన నోటి నుంచి వినిపిస్తుందేమో కాస్త ఆగి చూడాలి.

👉రవితేజ విక్రమార్కుడు 2లో నటించనున్నారా..?:

రౌడీ రాధోర్ లాంటి బ్లాక్ బస్టర్ తీసిన ప్రభుదేవా స్వయంగా సినిమా ప్రకటించడంతో ఇటు తెలుగు అభిమానుల్లోనూ ఉత్కంఠ నెలకొంది. ఒకవేళ సీక్వెల్ తీస్తే విక్రమార్కుడు 2లో రవితేజ నటిస్తారా? అన్న సందేహం ఉంది. ఈ ఏడాది చివరి నాటికి పూర్తి వివరాలు తెలిసే అవకాశం ఉంది. 👉అయితే రవితేజ ఫ్యాన్స్ మాత్రం” విక్రమ్ రాథోడ్ “మళ్లీ వస్తాడని !! ఆశగా ఎదురు చూస్తున్నారు.