చిదంబరం సహకరించడం లేదు -సీ.బి.ఐ

Teluguwonders for Telugu News

Chidambaram:ఐఎన్ఎక్స్ మీడియా కేసులో మాజీ మంత్రి చిదంబరాన్ని అరెస్ట్ చేసిన సీబీఐ.. గురువారం ఆయన్ను సీబీఐ కోర్టు ముందు హాజరు పర్చింది. విచారణలో భాగంగా తాము సంధించే ప్రశ్నలకు చిదంబరం సమాధానాలు ఇవ్వడం లేదని, తమకు సహకరించడం లేదని కోర్టుకు సీబీఐ తెలిపింది. ఆయన్ను ఐదు రోజుల కస్టడీకి అప్పగించాలని స్పెషల్ జడ్జి అజయ్ కుమార్ కుహార్‌ను సీబీఐ కోరింది. ఈ కేసులో సొలిసిటర్ జనరల్ తుషార్ మెహతా సీబీఐ తరఫున వాదించారు. చిదంబరం తరఫున కాంగ్రెస్ సీనియర్ నేత కపిల్ సిబల్, అభిషేక్ సింఘ్వీ, వివేక్ టంఖా వాదనలు వినిపించారు.
ఐఎన్ఎక్స్ మీడియా స్కామ్‌ను పూర్తి స్థాయిలో బయటపెట్టడానికి చిదంబరాన్ని కస్టడీలోకి తీసుకొని విచారించడం తప్పనిసరి అని తుషార్ మెహతా న్యాయస్థానానికి తెలిపారు. ఈ కేసులో క్విడ్ ప్రొ క్రోను వెలికి తీయడానికి ఐదురోజులపాటు చిదంబరాన్ని కస్టడీలోకి తీసుకోవడానికి సీబీఐకి అనుమతి ఇవ్వాలని కోరారు. ఢిల్లీ హైకోర్టు ఆయనకు ముందస్తు బెయిల్ ఇవ్వడానికి నిరాకరించిన విషయాన్ని గుర్తు చేశారు.

🔴12 ప్రశ్నలు అడిగింది :Chidambaram 

మాజీ మంత్రిని గత రాత్రి అరెస్ట్ చేసినప్పటికీ.. గురువారం ఉదయం 11 గంటలకే విచారించారని సిబల్ వెల్లడించారు.
సీబీఐ కేసు మొత్తం ఇంద్రాణి ముఖర్జియా వాంగ్మూలం ఆధారంగానే ముందుకెళ్తోందని అభిషేక్ సింఘ్వీ విమర్శించారు. చిదంబరాన్ని సీబీఐ 12 ప్రశ్నలు అడిగిందని, వాటిలో ఆరింటికి ఆయన గతంలోనే సమాధానం ఇచ్చారని కపిల్ సిబల్ తెలిపారు. 👉దర్యాప్తు సంస్థ ఐదుసార్లు పిలిచినా వెళ్లకపోతే దాన్ని సహాయ నిరాకరణగా భావించొచ్చు. కానీ వాళ్లకు నచ్చినట్టుగా బదులివ్వకపోవడం సహాయ నిరాకరణ కాదు. సీబీఐ అధికారులు చిదంబరాన్ని ఓసారి పిలవగా.. ఆయన వెళ్లారు. ఇందులో సహకరించకపోవడం ఎక్కడుంది? అని అభిషేక్ సింఘ్వీ ప్రశ్నించారు.
చిదంబరాన్ని కస్టడీలోకి తీసుకున్న తర్వాత పాత ప్రశ్నలే మళ్లీ అడుగుతున్నారని, ఆయన్ను సీబీఐ కస్టడీలోకి తీసుకునేందుకు అనుమతి ఇవ్వొద్దన్ని సింఘీ న్యాయస్థానాన్ని కోరారు. కాగా, ఓపెన్ కోర్టులో కొన్ని నిజాలను మాట్లాడలేమని సొలిసిటర్ జనరల్ న్యాయస్థానానికి తెలిపారు.

🔴Chidambaram మాట్లాడుతూ:

ఈ కేసు విషయంలో చిదంబరం సీబీఐ కోర్టులో మాట్లాడారు. తనకు ఇంద్రాణి ముఖర్జియా తెలీదన్నారు. తన కుమారుడికి మాత్రమే విదేశాల్లో బ్యాంకు అకౌంట్ ఉందని, తనకు లేదని అన్నారు. ఈ కేసు వల్ల గత 24 గంటలు నిద్రలేకుండా గడిపానని చెప్పారు.

🤣చిదంబరంపై నెటిజనులు సెటైర్లు :

ఈ కేసు విషయం ఎలా ఉన్నా.. నెటిజనులు మాత్రం చిదంబరంపై మీమ్స్ తయారు చేసి సెటైర్లు పేల్చుతున్నారు. మాజీ కేంద్ర మంత్రి చిదంబరాన్ని నెటిజనులు ఆడేసుకుంటున్నారు. మోదీ వచ్చే.. చిద్దు భద్రం అంటూ సెటైర్లు పేలుస్తున్నారు. కడుపుబ్బా నవ్విస్తున్నారు.

ఐఎన్ఎక్స్ మీడియా కేసులో మాజీ కేంద్ర మంత్రి పి.చిదంబరం సీబీఐతో దోబూచులాడిన సంగతి తెలిసిందే. చివరికి బుధవారం రాత్రి సీబీఐకు చిక్కారు. ఈ నేపథ్యంలో చిదంబరంపై సోషల్ మీడియాలో జోకులు, సెటైర్లు చక్కర్లు కొడుతున్నాయి. #ChiddiBhagModiAaya, #BhagodaChiddu ట్రెండవుతున్నాయి.

కార్తీ చిదంబరంపై CBI FIR

పి.చిదంబరం కేంద్ర మంత్రిగా పనిచేశారు
2006 మరియు 2014 మధ్య, ఈ కాలంలో
కార్తీ చిదంబరం విదేశాలలో ఆస్తులను సొంతం చేసుకున్నారు.
ఇది ఆర్టీఐ నుండి 100% నిజం.
(అందుకున్నట్లు ఫార్వార్డ్ చేయబడింది)