*నివాస అడ్వాన్స్‌.. 2 నెలల అద్దెను మించరాదు*
*యజమాని, అద్దెకుండేవారి హక్కులు, బాధ్యతలపై అందుబాటులోకి అద్దె చట్టం-2020 ముసాయిదా*
*అక్టోబర్‌ 31 వరకూ అభిప్రాయాలకు అవకాశం*
హైదరాబాద్‌: యజమానులు, అద్దెకు ఉండేవారి మధ్య వివాదాలకు తావులేకుండా అద్దెచట్టం-2020 ముసాయిదాను కేంద్రం అందుబాటులోకి తెచ్చింది. అద్దె చట్టానికి తుదిరూపునిచ్చే నేపథ్యంలో ఈ నెల 31 లోపు అభిప్రాయాలను తెలియజేయాలని కోరింది. ఈ క్రమంలో ముసాయిదాను అందుబాటులోకి తెచ్చిన రాష్ట్ర పురపాలకశాఖ.. తమ సూచనలను ఈ మెయిల్‌ ద్వారా పంపాలని ప్రజలను కోరింది.
*ముఖ్యాంశాలు:* * రాతపూర్వక ఒప్పందంతోనే అద్దెకు తీసుకోవాలి
* నివాస ప్రాంతాల అడ్వాన్స్‌ రెండు నెలల అద్దెకు మించకూడదు
* నివాసేతర ప్రాంతాలకు డిపాజిట్‌ గరిష్ఠంగా 6నెలల అద్దెకు మించరాదు
* వాణిజ్య ఆవాసాలకు ఈ నిబంధనలు వర్తిస్తాయి
* వివాదాల పరిష్కారానికి ఫాస్ట్‌ట్రాక్‌ జ్యుడిషియల్‌ యంత్రాంగం ఏర్పాటు
* యజమాని, లబ్ధిదారు మధ్య అనుబంధ ఒప్పందాన్ని అమలు చేయకుండా సబ్‌లెట్టింగ్‌కు అనుమతించకూడదు
* ఊహించని ఘటనలు జరిగినపుడు అద్దె అగ్రిమెంట్‌ ముగుస్తుంటే ఒక నెలపాటు ఒప్పందం నిబంధనలు అనుమతించాలి * తగిన కారణాలతోనే భూస్వామి ప్రాంగణాన్ని స్వాధీనం చేసుకోవాలి.
* హైకోర్టును సంప్రదించి ప్రతి జిల్లాలో జిల్లా న్యాయమూర్తి, అదనపు న్యాయమూర్తితో అద్దె ట్రైబ్యునళ్ల ఏర్పాటు
*యజమాని బాధ్యతలు..*
* అద్దెదారు వల్ల నష్టం కలగకుండా తప్పనిసరి మరమ్మతులు
* గోడలకు వైట్‌వాష్‌, తలుపులు, కిటికీలకు పెయింటింగ్‌
* అవసరమైనపుడు పైపులు మార్చడం, ప్లంబింగ్‌ చేయించడం
*అద్దెదారులు చేసుకోవాల్సినవి:*
* కుళాయిలు, దుస్తులను ఉతికే యంత్రాలు, కుళాయిల మార్పు
* డ్రెయిన్‌ల శుభ్రత, బాత్‌రూం, బేసిన్‌ తదితరాల మరమ్మతులు
* సర్క్యూట్‌ బ్రేకర్‌ మరమ్మతు, స్విచ్‌లు, సాకెట్‌ మరమ్మతులు
* అంతర్గత, బాహ్య వైరింగ్‌ మార్పులు మినహా విద్యుత్‌ పరికరాల మరమ్మతులు * వంటగదిలోని ఫిటింగ్‌ల మరమ్మతులు
Discover more from Telugu Wonders
Subscribe to get the latest posts sent to your email.
