తెలంగాణలో 1700 దాటిన కరోనా కేసులు

*తెలంగాణలో 1700 దాటిన కరోనా కేసులు* హైదరాబాద్: తెలంగాణలో కరోనా కేసుల సంఖ్య రోజురోజుకీ పెరుగుతోంది. తాజాగా రాష్ట్ర వైద్యారోగ్యశాఖ విడుదల చేసిన గణాంకాల ప్రకారం.. శుక్రవారం కొత్తగా 62 కరోనా పాజిటివ్‌ కేసులు నమోదయ్యాయి. దీంతో రాష్ట్రంలో కరోనా కేసుల సంఖ్య మొత్తంగా 1761కు పెరిగింది. ఇప్పటివరకు కరోనా నుంచి కోలుకొని 1043 మంది వివిధ ఆస్పత్రుల నుంచి డిశ్చార్జి కాగా.. 48 మంది మృత్యువాత పడ్డారు. ప్రస్తుతం కరోనా బారినపడి చికిత్స పొందుతున్న వారి సంఖ్య 670గా ఉందని రాష్ట్ర వైద్యారోగ్యశాఖ హెల్త్‌ బులిటెన్‌ విడుదల చేసింది.