Upasana: ఢిల్లీలో బతుకమ్మ వేడుకలు.. ముఖ్యమంత్రితో ఆడిపాడిన మెగా కోడలు ఉపాసన.. ఫొటోస్ ఇదిగో
తెలంగాణలో బతుకమ్మ వేడుకలు అంగరంగ వైభవంగా జరుగుతున్నాయి. సామాన్యులతో పాటు వివిధ రంగాలకు చెందిన సెలబ్రిటీలు, రాజకీయ నేతలు సైతం ఈ వేడుకల్లో భాగమవుతున్నారు. తాజాగా మెగా కోడలు, రామ్ చరణ్ సతీమణి రామ్చరణ్ భార్య ఉపాసన బతుకమ్మ ఆడింది. ఇందుకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి.
తెలంగాణ సంస్కృతి, ఆచారాలు, సంప్రదాయాలకు ప్రతీకగా నిలిచే పండగ బతుకమ్మ. అందుకే ఏటా ఈ పండగను అట్టహాసంగా జరుపుకొంటారు తెలంగాణ వాసులు.సామాన్యులతో పాటు వివిధ రంగాలకు చెందిన సెలబ్రిటీలు, రాజకీయ నేతలు సైతం బతుకమ్మ వేడుకల్లో భాగమవుతారు. ఎంతో ఉత్సాహంగ ఆడిపాడుతారు. ఇప్పుడు దేశ రాజధాని ఢిల్లీలోనూ బతుకమ్మ వేడుకలు అట్టహాసంగా జరుగుతున్నయి.ఢిల్లీలోని ఒక ప్రముఖ కాలేజీలో తెలుగు విద్యార్థులు ఏర్పాటు చేసిన ఈ వేడుకలో ఢిల్లీ ముఖ్యమంత్రి రేఖా గుప్తా, రామ్ చరణ్ సతీమణి ఉపాసన ముఖ్య అతిథులుగా పాల్గొన్నారు.బతుకమ్మను నెత్తిన ఎత్తుకుని విద్యార్థులతో కలిసి సరదాగా పాటలు పాడారు. ఇందుకు సంబంధించిన ఫొటోలు, వీడియోలను సీఎం రేఖా గుప్తా సోషల్ మీడియాలో షేర్ చేశారు. ‘ఇది కేవలం పూల ఉత్సవం మాత్రమే కాదు. మాతృత్వం, జీవనం, ప్రకృతి పట్ల గల గౌరవానికి ప్రతీక. తెలంగాణ మహిళలు తరతరాలుగా కొనసాగిస్తున్న ఈ సంప్రదాయం సాంస్కృతిక ఐక్యతకు చిహ్నం. ఢిల్లీలో ఉన్న తెలుగు విద్యార్థులు ఇలాంటి వేడుకలు నిర్వహించడం రాష్ట్రాల మధ్య సాంస్కృతిక బంధాన్ని బలపరుస్తుంది’ అని ట్వీట్ చేశారు రేఖా గుప్తా.
ఇక ఉపాసన కొణిదెల రేఖా గుప్తా ట్వీట్ ను రీ ట్వీట్ చేశారు. తెలంగాణ కల్చర్ను గౌరవిస్తూ తమతో బతుకమ్మ సెలబ్రేట్ చేసుకున్నందుకు ఢిల్లీ ముఖ్యమంత్రికి ప్రత్యేక ధన్యవాదాలు తెలిపింది మెగా కోడలు. ప్రస్తుతం రేఖా గుప్తా, ఉపాసన బతుకమ్మ వేడుకలకు సంబందించిన ఫొటోలు, వీడియోలు సామాజిక మాధ్యమాల్లో బాగా వైరలవుతున్నాయి.
ఢిల్లీలో జరిగిన బతుకమ్మ వేడుకల్లో ముఖ్యమంత్రి రేఖా గుప్తా, ఉపాసన కొణిదెల..
ఉపాసన ట్వీట్..
Discover more from TeluguWonders
Subscribe to get the latest posts sent to your email.
