‘కమ్మ గవర్నెన్స్’ వ్యాఖ్యలతో ఏపీ రాజకీయాల్లో దుమారం

ఆంధ్రప్రదేశ్ రాజకీయాల్లో మరోసారి వివాదం చెలరేగింది. బీజేపీ ఎమ్మెల్యే ఆదినారాయణ రెడ్డి చేసిన ‘కమ్మ గవర్నెన్స్’ వ్యాఖ్యలు రాజకీయ వర్గాల్లో తీవ్ర చర్చకు దారి తీశాయి. తిరుపతిలో జరిగిన పార్టీ కార్యక్రమంలో మాట్లాడిన ఆయన, రాష్ట్రంలో పాలన ఇంకా ఒక వర్గానికే పరిమితమై కొనసాగుతోందని విమర్శించారు. కులాల ఆధారంగా కాకుండా, ప్రజలందరికీ సమాన న్యాయం జరిగే విధంగా పాలన ఉండాలని ఆయన వ్యాఖ్యానించారు. ఈ మాటలు కూటమి ప్రభుత్వంపై అసంతృప్తిని బయటపెట్టినట్లుగా రాజకీయ విశ్లేషకులు భావిస్తున్నారు. ఆయన వ్యాఖ్యలపై అధికార, ప్రతిపక్ష నేతల నుంచి భిన్న స్పందనలు వస్తుండగా, ఈ అంశం ఏపీ రాజకీయాల్లో కొత్త వేడి రాజేస్తోంది.