Bigg Boss 9 Telugu : రీతూ తలకు గాయం.. షాంపూ బాటిల్ కోసం సంజన రచ్చ.. ఫ్లోరా కన్నీళ్లు..

బాత్‌రూంలో షాంపూ, కండీషనర్ పెట్టకండి.. బయటకొండి అంటూ ఫ్లోరా చెబుతుంటే.. నావే.. ప్రతిసారి బయటకు తీయాలా.. ఒక సెట్ అక్కడ ఉండనివ్వండి అంటూ అడ్డంగా వాదించింది సంజన. దీంతో విసుగొచ్చిన ఫ్లోరా.. నేనేమైనా నీ పనిమనిషినా.. బాత్‌రూం క్లీన్ చేసే బాధ్యత నాకు అప్పగించారు. క్లీన్ చేయడానికి వెళ్లిన ప్రతిసారి అవి తీసి బయటపెట్టాలా.. ? అని నిలదీసేసరికి సంజన ఫైర్ అయ్యింది. మ్యానర్స్ లేదు.. అంటూ ఇష్టం వచ్చినట్లు తిట్టేసింది. దీంతో ఫ్లోరా కన్నీళ్లు పెట్టుకుంది. దీంతో ఫుటేజ్ కోసమే సంజనా ఇంత సీన్ చేస్తుందని కామెంట్ చేసింది. ఆ మాటతో సంజనా మరింత ఫైర్ అయ్యింది. ఏమన్నావ్.. ఫుటేజ్ కోసమా.. నా ముందు వేలు చూపించి మాట్లాడకు అంటూ వార్నింగ్ ఇచ్చింది. చీప్ అంటూ మాట్లాడింది. ఆ తర్వాత ఇమ్మాన్యుయేల్ దగ్గర శ్రీజను చూపిస్తూ అది సైకో.. దాన్ని చూస్తేనే చిరాకు అంటూ చెప్పుకొచ్చింది.

ఆ తర్వాత టెనెంట్స్ లో మీలో ఒకర్ని మీరే నామినేట్ చేసుకోవాలని చెప్పాడు బిగ్ బాస్. పోటీదారులు ఇద్దరు టన్నెల్స్ లో పాకుతూ వెళ్లి అక్కడున్న సుత్తిని అందుకోవాలి. సుత్తి అందుకున్నవారు నామినేట్ చేస్తారు . ఇందులో రీతూ పాకుతూ ఉండగా పక్కనే ఉన్న పోల్ తగలడంతో దెబ్బ తగిలింది. దీంతో ఆమెను మెడికల్ రూంకు పిలిచి తలకు కట్టు కట్టారు. తనూజ.. సంజనాను, రాము.. సుమన్ శెట్టిని నామినేట్ చేశారు. మిగతా నామినేషన్స్ ఈరోజు ఎపిసోడ్ లో కొనసాగనున్నాయి.