చిరంజీవి ‘సైరా’ టీజర్ మైండ్ బ్లోయింగ్

Teluguwonders:

టాలీవుడ్ మాస్ హీరో మెగాస్టార్ చిరంజీవి పదేళ్ల తర్వాత వివివినాయక్ దర్శకత్వంలో ‘ఖైదీ నెంబర్ 150’ మూవీతో రీ ఎంట్రీ ఇచ్చారు. భారీ అంచనాల మద్య రిలీజ్ అయిన ఈ మూవీ బాక్సాఫీస్ షేక్ చేసింది. బాస్ ఈజ్ బ్యాక్ అంటూ మెగా ఫ్యాన్స్ సంబరాల్లో మునిగిపోయారు. ఈ మూవీ చిరంజీవికి 150 కావడం మరో విశేషం. ప్రస్తుతం సురేందర్ రెడ్డి దర్శకత్వంలో 151వ సినిమా ‘సైరా నరసింహారెడ్డి’ లో నటిస్తున్నారు.

ఈ సినిమాకు రాంచరణ్ నిర్మాతగా వ్యవహరిస్తున్నారు. ఇప్పటికే ‘సైరా’కి సంబంధించిన పోస్టర్లు, మేకింగ్ వీడియోలకు మంచి రెస్పాన్స్ వచ్చింది. తాజాగా ఇప్పుడు టీజర్ రిలీజ్ చేశారు. సైరా నరసింహారెడ్డి దసరా కానుకగా విడుదల కానున్న సంగతి తెలిసిందే.

ఈ చిత్ర షూటింగ్ ఇటీవల పూర్తి కాగా, ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటుంది.

బ్రిటీష్ పాలకులను గడ గడలాడించిన తెలుగు తేజం..మొట్టమొదటి స్వాతంత్ర సమరయోధుడు ఉయ్యాలవాడ నరసింహారెడ్డి. కాగా, మెగాస్టార్ చిరంజీవి ఉయ్యాలవాడ నరసింహారెడ్డి పాత్రలో కనిపిస్తున్నారు. చిరంజీవి పుట్టిన రోజు (ఆగస్ట్ 22) సందర్భంగా సైరా సినిమా టీజర్ ను ముంబాయి లో మంగళవారం విడుదల చేశారు. తెలుగులో కూడా ఆన్ లైన్ లో విడుదల చేశారు. భారీ వ్యయంతో, ఆధునిక సాంకేతిక పరిజ్ఞానంతో ఈ మూవీ నిమిస్తున్నారు.

రామ్‌, లక్ష్మణ్, గ్రెగ్‌పావెల్‌, లీ విట్టాకర్‌ నేతృత్వంలో యాక్షన్‌ సన్నివేశాలు గొప్పగా చిత్రీక రించారు. ఇంతవరకు తెలుగు తెరపై రానివిధంగా ఇందులో యాక్షన్‌ సన్నివేశాలు ఉంటాయని చిత్ర యూనిట్‌ వర్గాలు తెలిపాయి. కొణిదెల ప్రొడక్షన్స్ పతాకంపై రామ్ చరణ్ నిర్మిస్తున్నాడు. నయనతార కథానాయికగా నటిస్తున్న ఈ మూవీలో అమితాబ్ బచ్చన్, విజయ్ సేతుపతి, సుదీప్‌, జగపతి బాబు వంటి టాప్ స్టార్స్ నటిస్తున్నారు. ఈ టీజర్ ని కన్నడ, మళియాళ, హిందీ భాషలో కూడా రిలీజ్ చేశారు.