ఆ ఆగంతకుడి దెబ్బకి.. ఈఫిల్ టవర్ ని ఖాళీ చేయించేశారు..

ఫ్రాన్స్ లో ఎప్పుడు పర్యాటకులతో రద్దిగా ఉండే టవర్ వద్ద సోమవారం గందరగోళం వాతావరణం ఏర్పడింది. ప్రపంచ వింతల్లో ఒకటైన ఈఫిల్ టవర్‌ను నిర్మించి గత బుధవారంతో 130 ఏళ్లు పూర్తైన విషయం తెలిసిందే. ఈ లోగా ఈ గందరగోళం తో ఈఫిల్ టవర్ మళ్ళీ వార్తల్లో నిలిచింది.

🔴అసలు ఏమయ్యింది .: ఒక గుర్తు తెలియని వ్యక్తి అనుమతి లేకుండా టవర్‌పై ఎక్కే ప్రయత్నం చేశాడు. దీంతో అక్కడ ఉన్న భద్రతా సిబ్బందితో పాటు పర్యాటకులు కూడా భయభ్రాంతులకు గురయ్యారు. వివరాలను బట్టి చూస్తే సోమవారం మధ్యాహ్నంసుమారు 2.15 గంటలకు ఈ ఘటన చోటు చేసుకుంది. సమాచారం ప్రకారం ఆగంతకుడు 324 మీటర్లు(దాదాపు 1.063 ఫీట్లు) పైకి ఎక్కినట్లు తెలుస్తుంది.

🔴టవర్‌లోని రెండో లెవల్ నుండి : ఆ ఆగంతకుడు. టవర్‌లోని రెండో లెవల్ వరకూ అంటే దాదాపు గ్రౌండ్ లెవల్ నుంచి 149 మీటర్లు మాములుగా వెళ్లి అక్కడి నుంచి పైకి పాకడం మొదలు పెట్టాడు.

🔴ఈఫిల్ టవర్ ఖాళీ చేయించాల్సిన పరిస్థితి :
‘‘ఇక క్లయింబర్ మాకు కనిపించాడు. అతన్ని ఆపాలి.. అందుకోసమే మేం ఈ ప్రాంతాన్ని ఖాళీ చేయించాము. పరిస్థితులు మెరుగుపడేంత వరకూ పర్యాటకులకు తన సందర్శనాన్ని వాయిదా వేసుకోవాలని కోరుతున్నాము’’ అని ఓ అధికారి తెలిపారు. సంఘటన పై వెంటనే స్పందించిన భద్రతా సిబ్బంది ఆ విధంగా పర్యాటకులను అక్కడి నుంచి పంపించారు.