హిట్ బాట లోకి వస్తున్న గ్యాంగ్ లీడర్

Teluguwonders:

నేచురల్ స్టార్ నాని హీరోగా నటించిన ‘గ్యాంగ్ లీడర్’ సినిమా శుక్రవారం ప్రపంచ వ్యాప్తంగా విడుదలైంది. యూఎస్‌లో ప్రీమియర్‌లు ప్రదర్శించడంతో శుక్రవారం తెల్లవారుజామునే సినిమా టాక్ వచ్చేసింది. ట్విట్టర్‌లో ఈ సినిమాపై మిశ్రమ స్పందన వచ్చింది. కొంత మంది బాగుంది అంటే మరికొందరు పెదవివిరిచారు. ఇక, తెలుగు రాష్ట్రాల్లో సినిమా చూసిన వాళ్లలోనూ ఇలాంటి స్పందనే వచ్చింది. నానీస్ గ్యాంగ్ లీడర్ బాక్సాఫీసు వద్ద డీసెంట్ కలెక్షన్స్ రాబడుతోంది. మైత్రి మూవీస్ ఖాతాల్లో మరో హిట్ సినిమా చేరింది. తెలుగు రాష్ట్రాల్లో ఇప్పటికే 40 శాతం పెట్టుబడి రికవరీ అయ్యింది.
తొలిరోజు ముగిసేసరికి ‘గ్యాంగ్ లీడర్’ హిట్ టాక్‌ను తెచ్చుకుంది. నాని సినిమా ఎప్పటిలానే ప్రేక్షకులకు మెల్లగా ఎక్కుతోంది.

💥సేఫ్ జోన్‌లోకి వెళ్తోన్న నాని సినిమా :

తొలిరోజు తెలంగాణ, ఆంధ్రప్రదేశ్‌లో రూ. 4.55 కోట్ల డిస్ట్రిబ్యూటర్ల షేర్ వసూలుచేసిన ‘గ్యాంగ్ లీడర్’.. రెండో రోజు అంటే శనివారం రూ. 3.5 కోట్ల షేర్ రాబట్టింది. అంటే తొలిరోజుతో పోలిస్తే సుమారు 10 శాతం కలెక్షన్ తగ్గింది. దీనికి కారణం కొంచెం నెగిటివ్ టాక్ కావచ్చు. ఏదేమైనా మొత్తంగా రెండు రోజుల్లో కేవలం తెలుగు రాష్ట్రాల్లో రూ.8.05 కోట్ల షేర్‌ను నాని సినిమా వసూలు చేసింది. 👉తెలుగు రాష్ట్రాల్లో

ప్రాంతాల వారీగా షేర్ వివరాలు :

నైజాం – రూ. 3.15 కోట్లు
సీడెడ్ – రూ. 98 లక్షలు
ఉత్తరాంధ్ర – రూ. 1.10 కోట్లు
గుంటూరు – రూ. 72 లక్షలు
తూర్పు గోదావరి – రూ. 78 లక్షలు
పశ్చిమ గోదావరి – రూ. 48 లక్షలు
కృష్ణా – రూ. 59 లక్షలు
నెల్లూరు – రూ. 25 లక్షలు
మొత్తం – రూ. 8.05 కోట్లు. అంటే, ‘గ్యాంగ్ లీడర్’ మెల్లగా సేఫ్ జోన్‌లోకి వెళ్తున్నట్టే.

‘గ్యాంగ్ లీడర్’ థియేట్రికల్ రైట్స్‌ను రెండు తెలుగు రాష్ట్రాల్లో కలుపుకుని రూ. 20.90 కోట్లకు విక్రయించారు. ప్రపంచ వ్యాప్తంగా రూ. 28 కోట్లకు అమ్మారు. తెలుగు రాష్ట్రాల్లో రెండు రోజుల్లోనే 40 శాతం వరకు రికవరీ అయిపోయింది. మిగిలిన మొత్తం రికవరీ చేయడం ‘గ్యాంగ్ లీడర్’కు పెద్ద కష్టం కాదు. అసలు రికవరీ కావడమే కాదు ఈ సినిమా లాభాలు కూడా తెచ్చిపెడుతుందనడంలో సందేహం లేదు. కరెక్ట్‌గా రెండు వారాలు ఈ సినిమా అడితే చాలు డిస్ట్రిబ్యూటర్లు లాభాల బాట పడతారు.

🔴యూఎస్ లో దూసుకుపోతున్న ‘గ్యాంగ్ లీడర్’ :

యూఎస్‌లో సైతం ‘గ్యాంగ్ లీడర్’ బాక్సాఫీసు వద్ద దూసుకుపోతున్నాడు. ఈ సినిమా శనివారం రాత్రికి హాఫ్ మిలియన్ డాలర్లకు పైగా వసూలు చేసింది. ప్రీమియర్స్, శుక్రవారం షోలతో కలుపుకుని 3,49,000 డాలర్లు వసూలు చేసిన ఈ సినిమా.. శనివారం 220,765 డాలర్లకు పైగా రాబట్టింది. మొత్తంగా శనివారం ముగిసే సరికి సుమారు 5.70 లక్షల డాలర్ల గ్రాస్‌ను ‘గ్యాంగ్ లీడర్’ వసూలు చేసింది. అంటే, ఇండియన్ కరెన్సీ ప్రకారం సుమారు రూ.4.04 కోట్ల గ్రాస్.