పవన్ కి నాకు మధ్య విభేదాలు లేవు అంటున్న హరీష్ శంకర్

Teluguwonders:

పవన్ కళ్యాణ్ ,సాయి ధరమ్ తేజ్, వరుణ్ తేజ్, అల్లు అర్జున్‌లతో సినిమాలు చేసేశా.. రామ్ చరణ్‌తో ఎప్పుడైనా చేసే అవకాశం ఉంది. అయితే చిరంజీవి గారు చాలా తక్కువ సినిమాలు చేస్తున్నారు కాబట్టి.. ఆయనతో చేయాలని ఉంది. ఇంటర్నేషనల్ స్టాండర్డ్స్‌తో రామ్ చరణ్‌కు మంచి కథ త్వరలో వినిపిస్తా. ఆయన కోరుకునే స్క్రిప్ట్ తప్పకుండా చేస్తా అంటున్నారు పవన్ కళ్యాణ్‌కి ‘గబ్బర్ సింగ్’ లాంటి బ్లాక్ బస్టర్ హిట్ ఇచ్చిన హరీష్ శంకర్ .ఆయన డైరెక్ట్ చేసిన ‘గద్దలకొండ గణేష్ (వాల్మీకి)’ చిత్రం విడుదలకావడంతో ఈ చిత్ర ప్రమోషన్స్‌లో భాగంగా మెగా హీరోల గురించి మాట్లాడుతూ.. పవన్ కళ్యాణ్‌తో ఆయనకు ఉన్న అనుబంధాన్ని గుర్తు చేసుకున్నారు. ఐతే ఆయనతో మళ్లీ ఎందుకు పనిచేయలేదు. ‘గబ్బర్ సింగ్’ సీక్వెల్ పవన్ కళ్యాణ్.. హరీష్‌తో కాకుండా బాబీతో చేయడానికి కారణం ఏంటి? వారిద్దరి మధ్య విభేదాలు తలెత్తాయా? అనే ప్రశ్నలు రావడం సహజం .

👉వాటిపై హరీష్ ఇలా స్పందించారు:

పవన్ కళ్యాణ్‌తో సినిమా వద్దనే డైరెక్టర్ ఇండస్ట్రీలో ఎవరైనా ఉంటారా అన్నారు దర్శకుడు హరీష్ శంకర్. ఈ సందర్భంగా పవన్ కళ్యాణ్‌తో సినిమా చేయడానికి స్క్రిప్ట్ రెడీగా ఉందని.. మరో పదేళ్ల తరువాత అయినా ఆయన ఓకే అంటే సినిమా చేస్తా అన్నారు హరీష్ శంకర్.

ఆయన మాట్లాడుతూ.. గబ్బర్ సింగ్ సినిమా తరువాత పవన్ కళ్యాణ్‌తో మళ్లీ సినిమా చేయాలని ఉంది. ఈ మధ్య నేను ఆయన్ని కలిశాను కాబట్టి.. ప్రేక్షకులు కోరుకుంటున్నారు కాబట్టి ఆయనతో మళ్లీ సినిమా చేయాలని ఉంది. నా సంతోషాన్ని, నా సక్సెస్‌ను కోరుకునే వ్యక్తి పవన్ కళ్యాణ్. అలాంటి వ్యక్తితో పనిచేయడం అంటే చిన్న విషయం కాదు.
నా దగ్గర స్క్రిప్ట్ ఉంది..

పవన్‌తో సినిమా చేయడానికి నా దగ్గర రెండు మూడు లైన్స్ ఉన్నాయి. ఆయన ఒప్పుకోవాలే కాని.. ఆయనతో సినిమా చేస్తున్నామనే ఎగ్జైట్‌మెంట్‌లోనే స్క్రిప్ట్ వచ్చేస్తోంది. 2025లో పవన్ కళ్యాణ్ సినిమా చేస్తానన్నా నా దగ్గర కథ రెడీ గా ఉంది అంటున్నారు .

💥పవన్‌ స్థాయి వేరు:

గబ్బర్ సింగ్ బ్లాక్ బస్టర్ హిట్ తరువాత సినిమా తీయాలనుకున్నా కాని.. గబ్బర్ సింగ్ 2 తీయాలని అనుకోలేదు. పవన్ లాంటి స్టార్ హీరోని డీల్ చేస్తున్నప్పుడు వీలైనంత సస్పెన్స్ ఉండాలి. పవన్ కళ్యాణ్‌తో నాకు విభేదాలు వచ్చాయని అందుకే గబ్బర్‌సింగ్ 2 తీయలేదనేది రూమర్ మాత్రమే. పవన్ కళ్యాణ్ ఒక పర్వతం అయితే నేను ఒక గులకరాయి లాంటి వాడిని. ఆయనతో నాకు విభేదాలు ఎలా వస్తాయి. నాకు నా స్థాయి వాళ్లకు విభేదాలు అంటే ఒప్పుకోవచ్చు కాని.. పవన్ కళ్యాణ్‌తో విభేదించే స్థాయి నాది కాదు అంటున్నారు హరీష్ శంకర్.

పొలిటికల్‌గా పవన్ కళ్యాణ్‌ కష్టాన్ని చూసి బాధవేస్తుంది. పదిమందికి ఉపయోగపడే విషయం ఆయనతో చెప్పించాలనైతే ఉంది. ఆయన ఓటములకు భయపడే వ్యక్తి కాదు. ఆయన అన్నింటికీ తెగించి వచ్చారు. ఇలాంటి చిన్న చిన్న ఓటములను లెక్కచేయరు ఆయన. ఆయన పొలిటికల్ కెరియర్ గురించి సినిమా తీసే ఆలోచన లేదు కాని.. ఆయన ప్రజల కోసం పడే కష్టాన్నైతే చూపించాలని ఉంది.