యుద్ధ ఉద్రిక్తతల మద్య విషాదం.. కువైట్‌లో భారతీయుడు మృతి

కువైట్‌లో విషాదకర ఘటన చోటుచేసుకుంది. ఇరాన్ – ఇజ్రాయెల్ – అమెరికా మధ్య కొనసాగుతున్న ఉద్రిక్తతలు రోజురోజుకు మరింత తీవ్రతరం అవుతున్న నేపథ్యంలో గల్ఫ్ ప్రాంతంలో భయాందోళనలు పెరుగుతున్నాయి.తాజాగా ఇరాన్ కువైట్‌లోని విద్యుత్ ఉత్పత్తి కేంద్రాలు, నీటి శుద్ధి కర్మాగారాలను లక్ష్యంగా చేసుకుని క్షిపణి దాడులు జరిపింది. ఈ దాడిలో అక్కడ పని చేస్తున్న ఓ భారతీయ కార్మికుడు అక్కడికక్కడే ప్రాణాలు కోల్పోయాడు. ఈ ఘటనతో గల్ఫ్ దేశాల్లో పనిచేస్తున్న భారతీయుల్లో తీవ్ర ఆందోళన నెలకొంది.ప్రస్తుతం కువైట్ ప్రభుత్వం అప్రమత్తమై భద్రతను కట్టుదిట్టం చేసింది. ముఖ్యమైన పరిశ్రమలు, మౌలిక వసతుల వద్ద అదనపు భద్రతా చర్యలు చేపట్టింది.ఇక అమెరికా, ఇజ్రాయెల్, ఇరాన్ మధ్య పెరుగుతున్న ఈ యుద్ధ వాతావరణం గ్లోబల్ స్థాయిలో ఆందోళనలకు దారితీస్తోంది.భారత ప్రభుత్వం కూడా ఈ ఘటనపై స్పందిస్తూ గల్ఫ్ దేశాల్లో ఉన్న భారతీయులు జాగ్రత్తగా ఉండాలని సూచించింది. అత్యవసర పరిస్థితుల్లో సమీప భారత రాయబార కార్యాలయాలను సంప్రదించాలని సూచించింది.