బీఎండబ్ల్యూలో పెట్రోల్ కొట్టించేందుకు డబ్బులు లేకపోవడంతో కోళ్లను దొంగిలిస్తున్న ఒక విచిత్రమైన వ్యక్తి కథనం ఇది. అసలు బీఎండబ్ల్యూ కార్ ఏంటి ,ఈ కోడి ఏంటి అని ఆశ్చర్య పడుతున్నారా అయితే రండి విషయంలో కి వెళదాం .
బీఎండబ్ల్యూ కొన్న ఒక రైతు : చైనాలోని సిచువాన్ ప్రాంతానికి చెందిన ఓ రైతు బడాయికి పోయి ఏకంగా రూ.2 కోట్లు విలువ చేసే బీఎండబ్ల్యూ కారు కొనుగోలు చేశాడు. బీఎండబ్ల్యూ కారే కొన్నాడు కానీ రోజూ అందులో తిరుగుతూ.. కోళ్లు, బాతులను ఎత్తుకుపోయేవాడు. అంత ఖరీదైన కారు కొని అదేం పాడు పని అంటే అక్కడే ఉంది ట్విస్టు.
డబ్బుల్లేక : అతడు కారైతే కొనేశాడు.. కానీ, అందులో పెట్రోల్ కొట్టించడానికే మనోడి వద్ద డబ్బుల్లేవు. దీంతో చిల్లర దొంగగా మారి.. పోలీసులకు పని చెప్పాడు.
కోళ్ల దొంగతనం: అతడు డబ్బుల కోసం లినుషీ ప్రాంతంలో కోళ్లు, బాతులను దొంగిలించేవాడు. వాటిని మార్కెట్లో అమ్మేసి సొమ్ము చేసుకునేవాడు. ఆ డబ్బుతో బీఎండబ్ల్యూలో పెట్రోల్ కొట్టించుకుని తిరిగేవాడు. సీసీటీవీ కెమేరాల ఆధారంగా ఎట్టకేలకు నిందితుడిని గుర్తించారు..పోలీసులు.
ఇలా పట్టుకున్నారు :
మే 22న కోళ్లను ఎత్తుకెళ్లేందుకు బీఎండబ్ల్యూలో వచ్చిన అతడిని పోలీసులు వెంబడించారు. ఈ సందర్భంగా సినిమా స్టైల్లో చిన్న సైజు ఛేజింగ్ కూడా జరిగింది. అతడి కారు పోలీసుల వాహనం కంటే వేగంగా దూసుకెళ్లడంతో నిందితుడిని పట్టుకోలేకపోయారు. అయితే, పోలీసులు అతడి ఆచూకీ కనుగొని ఇంట్లోనే అరెస్టు చేశారు. 
డబ్బులు లేకపోవడం తో తాను ఈ మార్గాన్ని ఎంచుకున్నానని నిందితుడు తెలిపాడు
Discover more from Telugu Wonders
Subscribe to get the latest posts sent to your email.
