‘Love Speaks Louder’.. త్రిష పోస్ట్ వెనుక విజయ్ ఉన్నారా?

తమిళనాడు ముఖ్యమంత్రిగా Joseph Vijay ప్రమాణ స్వీకారం చేసిన వేడుక దేశవ్యాప్తంగా చర్చనీయాంశంగా మారిన సంగతి తెలిసిందే. అయితే ఆ కార్యక్రమంలో ప్రముఖ నటి త్రిష పాల్గొనడం మరో పెద్ద హాట్ టాపిక్‌గా మారింది. రాజకీయ ప్రమాణ స్వీకార కార్యక్రమం కంటే కూడా త్రిష హాజరు కావడంపైనే సోషల్ మీడియాలో ఎక్కువ చర్చ నడుస్తోంది. ముఖ్యంగా విజయ్ కుటుంబ సభ్యుల కంటే ముందు వరుసలో కూర్చొని వేడుకను ఆసక్తిగా వీక్షించడం, తర్వాత విజయ్ కుటుంబ సభ్యులతో ఆప్యాయంగా మాట్లాడడం నెటిజన్ల దృష్టిని ఆకర్షించింది.

చెన్నైలో జరిగిన ఈ ప్రమాణ స్వీకార వేడుకకు త్రిష సంప్రదాయ చీరలో హాజరై ప్రత్యేక ఆకర్షణగా నిలిచింది. సోషల్ మీడియాలో ఆమె లుక్ వైరల్ అయ్యింది. అయితే అసలు సంచలనం ఆమె తర్వాత చేసిన సోషల్ మీడియా పోస్ట్‌తో మొదలైంది. కార్యక్రమానికి సంబంధించిన కొన్ని ఫొటోలను షేర్ చేసిన త్రిష, “Love always speaks louder” అంటూ క్యాప్షన్ ఇవ్వడం ఇప్పుడు పెద్ద చర్చకు దారితీసింది.

ఈ క్యాప్షన్‌ను చూసిన నెటిజన్లు వెంటనే విజయ్‌తో ఆమె బంధం గురించే ఇన్‌డైరెక్ట్‌గా చెప్పిందా అంటూ కామెంట్లు చేస్తున్నారు. ఫొటోలకు ఆ క్యాప్షన్‌కు నేరుగా సంబంధం కనిపించకపోయినా, గత కొన్నేళ్లుగా వస్తున్న రూమర్ల కారణంగా ఇప్పుడు ఈ పోస్ట్ మరింత వైరల్ అవుతోంది. సోషల్ మీడియాలో అభిమానులు, సినీ వర్గాలు ఈ విషయంపై పెద్ద ఎత్తున చర్చిస్తున్నారు.

విజయ్, త్రిష మధ్య రిలేషన్‌షిప్ ఉందన్న వార్తలు చాలా కాలంగా వినిపిస్తున్నాయి. అయితే ఇప్పటివరకు ఈ ఇద్దరూ ఎప్పుడూ ఆ వార్తలపై స్పందించలేదు. రూమర్లను ఖండించలేదు కూడా. అదే ఇప్పుడు అనుమానాలకు మరింత బలం ఇస్తోందని కొందరు భావిస్తున్నారు. మరోవైపు విజయ్ మాజీ భార్య సంగీత విడాకుల పిటిషన్‌లో కూడా ఓ నటి కారణంగా తమ మధ్య విభేదాలు వచ్చాయని ప్రస్తావించిందన్న వార్తలు గతంలో వైరల్ అయ్యాయి. దీంతో ఇప్పుడు త్రిష పోస్ట్ మళ్లీ పాత చర్చలను తెరపైకి తీసుకొచ్చింది.

అయితే మరో వర్గం మాత్రం విజయ్, త్రిష కేవలం మంచి స్నేహితులే అని చెబుతోంది. సినిమాల్లో కలిసి పనిచేయడం వల్ల ఇద్దరి మధ్య మంచి బాండింగ్ ఏర్పడిందని అభిప్రాయపడుతున్నారు.

సినీ కెరీర్ విషయానికి వస్తే విజయ్-త్రిష జోడీ తమిళ సినీ పరిశ్రమలో అత్యంత ప్రజాదరణ పొందిన ఆన్‌స్క్రీన్ జంటల్లో ఒకటి. వీరిద్దరూ కలిసి నటించిన మొదటి చిత్రం “గిల్లి”. తెలుగు బ్లాక్‌బస్టర్ “ఒక్కడు”కి రీమేక్‌గా వచ్చిన ఈ సినిమా తమిళనాడులో భారీ విజయాన్ని సాధించింది. ఆ తర్వాత “తిరుపాచి”, “ఆది”, “కురువి”, “లియో” వంటి సినిమాల్లో కలిసి నటించారు. ఇటీవల విజయ్ నటించిన “GOAT” సినిమాలో కూడా త్రిష ప్రత్యేక గీతంలో కనిపించింది.

ఇక రాజకీయంగా విజయ్ సాధించిన విజయం కూడా దేశవ్యాప్తంగా చర్చనీయాంశమైంది. తమిళగ వెట్రి కళగం పార్టీతో ఎన్నికల బరిలోకి దిగిన విజయ్ 108 స్థానాలు గెలిచి సింగిల్ లార్జెస్ట్ పార్టీగా నిలిచారు. కాంగ్రెస్ మరియు వామపక్ష పార్టీల మద్దతుతో ప్రభుత్వం ఏర్పాటు చేసి తమిళనాడు ముఖ్యమంత్రిగా బాధ్యతలు స్వీకరించారు. దశాబ్దాలుగా కొనసాగుతున్న ద్రావిడ రాజకీయాల్లో భారీ మార్పుకు నాంది పలికారనే అభిప్రాయాలు వినిపిస్తున్నాయి.

సినీ హీరోగా మూడు దశాబ్దాల పాటు అభిమానులను అలరించిన విజయ్ ఇప్పుడు రాజకీయ నాయకుడిగా కొత్త అధ్యాయం ప్రారంభించారు. అదే సమయంలో త్రిష చేసిన పోస్ట్ సోషల్ మీడియాలో వైరల్ అవుతూ మరోసారి ఈ స్టార్ జంటను వార్తల్లో నిలిపింది.