మార్కాపురం జిల్లాలో ఘోర ప్రమాదం – ట్రావెల్స్ బస్సు ఢీకొని 13 మంది మృతి

తెల్లవారుతున్న వేళ విషాదం చోటుచేసుకుంది. గమ్యస్థానానికి చేరుకుంటామని భావించిన ప్రయాణికుల ప్రాణాలను మృత్యువు అగ్నికీలల రూపంలో కబళించింది. మార్కాపురం జిల్లాలో జరిగిన ఘోర రోడ్డు ప్రమాదం హృదయ విదారక దృశ్యాలను మిగిల్చింది.

సమాచారం ప్రకారం, రోడ్డుపై వెళ్తున్న వాహనాన్ని మరో ట్రావెల్స్ బస్సు వేగంగా వచ్చి ఢీకొట్టింది. ఢీకొన్న ప్రభావంతో బస్సులో మంటలు చెలరేగి పరిస్థితి విషమించింది. ఈ ప్రమాదంలో 13 మంది అక్కడికక్కడే ప్రాణాలు కోల్పోగా, మరికొందరు తీవ్రంగా గాయపడ్డారు.

స్థానికులు వెంటనే పోలీసులకు సమాచారం ఇవ్వడంతో అగ్నిమాపక సిబ్బంది సంఘటనా స్థలానికి చేరుకుని మంటలను అదుపులోకి తీసుకొచ్చారు. గాయపడిన వారిని ఆసుపత్రికి తరలించి చికిత్స అందిస్తున్నారు.

ప్రాథమిక సమాచారం ప్రకారం డ్రైవర్ నిర్లక్ష్యం మరియు అధిక వేగం కారణంగా ఈ ప్రమాదం జరిగినట్లు పోలీసులు అనుమానిస్తున్నారు. ఘటనపై కేసు నమోదు చేసి దర్యాప్తు కొనసాగిస్తున్నారు