పవర్‌ఫుల్‌ బెనిఫిట్స్‌ ఉన్న పాషన్‌ ఫ్రూట్‌.. ఎక్కడ కనిపించినా వదలకుండా తినేయండి..!

పాషన్ ఫ్రూట్..దీనిని కృష్ణ పండు అని కూడా పిలుస్తారు. ఇది తీగజాతి మొక్క. దీని ఆకులు, పండ్ల అద్భుత లక్షణాల గురించి తెలిస్తే…ఎక్కడ కనిపించినా కూడా వదలకుండా తెచ్చుకుని తినేస్తారు.. ఈ పండు లోపలి భాగం జ్యూసీగా మెత్తగా ఉంటుంది. ఇది శక్తివంతమైన ఫైబర్‌తో నిండి ఉంటుంది. ఈ పండులోని యాంటీ ఆక్సిడెంట్లు ఫ్రీ రాడికల్స్ రోగనిరోధక శక్తిని పెంచుతాయి. తరచూ కృష్ణ పలం తీసుకోవడం వల్ల మదుమేహాన్ని అదుపులో ఉంచుతుంది. అంతేకాదు.. పాషన్ ఫ్రూట్ ఆకులు కూడా పండ్ల లాగే పోషకాలతో సమృద్ధిగా ఉంటాయి.

పాషన్‌ ఫ్రూట్‌ ఆకులో విటమిన్ సి, ఇతర పోషకాలు కూడా పుష్కలంగా ఉంటాయి. ఇవి శరీరానికి ప్రయోజనకరంగా ఉంటాయని రుజువు చేస్తాయి. ఆకులను కూరగాయలుగా తినవచ్చు. ఇది శరీరానికి అవసరమైన విటమిన్లు, యాంటీఆక్సిడెంట్లను అందిస్తుంది. పాషన్ ఫ్రూట్ ఆకులు ముఖ్యంగా డయాబెటిస్ ఉన్న రోగులకు ప్రయోజనకరంగా ఉంటాయి. ఈ ఆకుల రసం లేదా కషాయాలను తీసుకోవడం ద్వారా, రక్తంలో చక్కెర స్థాయిని నియంత్రించవచ్చు. ఇది దీర్ఘకాలంలో మధుమేహం ప్రభావాలను తగ్గిస్తుంది. రక్తపోటును అదుపులో ఉంచి గుండె ఆరోగ్యాన్ని మెరుగ్గా ఉంచుతుంది.

కృష్ణ ఫలంలో విటమిన్ ఏ బీటా కెరోటిన్ రూపంలో ఉంటుంది. అంధత్వాన్ని తగ్గిస్తుంది. కంటి పనితీరును మెరుగుపరుస్తుంది. బరువు పెరగడం వల్ల కలిగే జీవక్రియ రుగ్మతలను తొలగిస్తుంది. కృష్ణ ఫలంలో క్యాన్సర్ నిరోధక గుణాలు ఉన్నాయి. తరచూ కృష్ణ ఫలం తీసుకోవడం వల్ల గ్యాస్ట్రిక్,  క్యాన్సర్ బారిన పడకుండా కాపాడుతుంది. పాషన్ ఫ్రూట్ ఆకులను తీసుకోవడం ఆరోగ్యానికి చాలా మేలు చేస్తుందని అన్నారు.