Peddi Movie: పెద్ది సినిమా నుంచి క్రేజీ అప్డేట్.. రామ్ చరణ్ తల్లిగా ఆ సీనియర్ నటి..

ఇదిలా ఉంటే.. ఈ దసరా పండక్కి ఈ సినిమా నుంచి ఓ మ్యూజికల్ సింగిల్ విడుదల చేయాలని ప్లాన్ చేస్తున్నారట మేకర్స్. ఇప్పటికే రామ్ చరణ్ ఆ పాటను విన్నారని.. అద్భుతంగా ఉందని మెచ్చుకున్నట్లు సమాచారం.ఈ చిత్రానికి ఏఆర్ రెహమాన్ సంగీతం అందిస్తున్నారు. అయితే ఈ సినిమాలో చరణ్ తల్లి పాత్రలో సీనియర్ నటి ఎంపికయ్యారని సమాచారం. ఈ మేరకు సోషల్ మీడియాలో భారీగానే వార్తలు చక్కర్లు కొడుతున్నాయి. ఈ చిత్రంలో రామ్ చరణ్ పాత్రతోపాటు ఆయన తల్లి పాత్ర సైతం అంతే కీలకంగా ఉండనుందట. అందుకే ఈ సినిమాకు సీనియర్ నటి విజి చంద్రశేఖర్ ను తీసుకున్నారట. ఇప్పటికే ఆమె తెలుగులో అఖండ చిత్రంలో బాలకృష్ణకు తల్లిగా కనిపించారు.

విజి చంద్రశేఖర్ ఎక్కువగా తమిళం, కన్నడ చిత్రాల్లో నటించారు. 1981 రజినీకాంత్ సినిమాతో సినీరంగంలోకి అడుగుపెట్టారు. విజయవాడలో జన్మించినప్పటికీ చెన్నైలో పెరిగారు. సీనియర్ నటి సరితకు విజి చంద్రశేఖర్ సోదరి. మరో చరిత్ర, ఇది కథ కాదు, కోకిల వంటి చిత్రాల్లో సరిత కథానాయికగా నటించారు. ఇక ఇప్పుడు పెద్ది చిత్రంలో రామ్ చరణ్ తల్లి పాత్రలో విజి చంద్రశేఖర్ కనిపించనున్నారు.