తెలంగాణకు రండి.. మా ట్రాక్ రికార్డ్ చూడండి: సీఎం రేవంత్

కేరళ అసెంబ్లీ ఎన్నికల ప్రచారంలో భాగంగా పర్యటిస్తున్న Revanth Reddy కీలక వ్యాఖ్యలు చేశారు. కాంగ్రెస్ నేతృత్వంలోని UDF మేనిఫెస్టో విడుదల కార్యక్రమంలో పాల్గొన్న ఆయన, ఈసారి కేరళలో కాంగ్రెస్ ప్రభుత్వం ఏర్పడుతుందని విశ్వాసం వ్యక్తం చేశారు.

యూడీఎఫ్ హామీలపై విమర్శలు చేస్తున్నవారికి రేవంత్ రెడ్డి గట్టి సవాల్ విసిరారు. “మా గ్యారెంటీలు ఎలా అమలు చేస్తున్నామో తెలుసుకోవాలంటే తెలంగాణకు వచ్చి ప్రజలను అడగండి” అని అన్నారు.

తెలంగాణలో మహిళా సాధికారత, రైతు భరోసా వంటి పథకాలు విజయవంతంగా అమలు అవుతున్నాయని తెలిపారు. అలాగే ఒకే ఏడాదిలో వేలాది ప్రభుత్వ ఉద్యోగాలు ఇచ్చామని వెల్లడించారు.

కేరళలో కూడా ఇచ్చిన హామీలను అధికారంలోకి వచ్చిన వెంటనే అమలు చేస్తామని హామీ ఇచ్చిన రేవంత్ రెడ్డి, భవిష్యత్తులో కూడా ప్రజలకు అండగా ఉంటానని పేర్కొన్నారు.