గూగుల్ ప్లే స్టోర్ లో ఇక సాహో గేమ్

Teluguwonders:

సుజీత్‌ దర్శకత్వం వహించిన ఈ చిత్రంలో శ్రద్ధా కపూర్‌ కథానాయిక. నీల్‌ నితిన్‌ ముఖేష్‌, జాకీ ష్రాఫ్‌, వెన్నెల కిశోర్‌, మురళీ శర్మ తదితరులు కీలక పాత్రలు పోషించారు. భారీ బడ్జెట్‌తో యాక్షన్‌కు అధిక ప్రాధాన్యం ఇస్తూ యూవీ క్రియేషన్స్‌ ఈ సినిమాను నిర్మించింది. ఆగస్టు 30న సినిమా ప్రేక్షకుల ముందుకు రానుంది.డార్లింగ్‌’ ప్రభాస్‌ కథానాయకుడిగా నటిస్తున్న ‘సాహో’ సినిమా పేరుతో గేమ్‌ను రూపొందించిన సంగతి తెలిసిందే.

💥గేమ్ ట్రైలర్‌ విడుదల :

‘ యంగ్‌ రెబెల్‌స్టార్‌ ప్రభాస్‌ కథానాయకుడిగా నటిస్తున్న ‘సాహో’ సినిమా పేరుతో త్వరలో గేమ్‌ విడుదల కాబోతున్న సంగతి మీరు వినే ఉంటారు. ఐతే ఇటీవల ఈ గేమ్‌కు సంబంధించిన ట్రైలర్‌ను విడుదల చేశారు.

👉ఇన్‌స్టాగ్రామ్‌లో విడుదల చేసిన ప్రభాస్‌ :

‘డార్లింగ్స్‌.. ఇదిగో ‘సాహో’ ట్రైలర్‌. జెట్‌ ప్యాక్స్‌ ధరించి ‘సాహో’ ప్రపంచంలోకి వెళ్లడానికి మీరు సిద్ధంగా ఉన్నారా?’ అని క్యాప్షన్ ఇచ్చారు. ఐవోఎస్‌లో ఈ గేమ్‌ను అందుబాటులోకి తీసుకొచ్చారు. ఆండ్రాయిడ్‌ వినియోగదారులు గూగుల్‌ ప్లే స్టోర్‌లో ఈ గేమ్‌ ఎప్పుడు విడుదలవుతుందా? అని ఆసక్తిగా ఎదురుచూశారు. అలాంటి వారికి ఇది శుభవార్త.

🔴‘సాహో ది గేమ్‌’ను గూగుల్‌ ప్లే స్టోర్‌లో అందుబాటులో ఉంచారు. గేమ్‌ ఆడాలనుకునే వారు గూగుల్‌ ప్లేలోకి వెళ్లి యాప్‌ను డౌన్‌లోడ్‌ చేసుకోవచ్చు. ఈ లింక్‌ను కూడా నిర్మాణ సంస్థ యూవీ క్రియేషన్స్‌ ట్విటర్‌లో షేర్‌ చేసింది. ఈ గేమ్‌ యాప్‌ను పిక్సలాట్‌ ల్యాబ్స్‌ అభివృద్ధి చేసినట్లు తెలిపింది.ఈ గేమ్‌ను చాలా స్టైలిష్‌గా రూపొందించారు. యువతను ఉర్రూతలూగిస్తున్న పబ్జీ ఆటను మించిపోయేలా ‘సాహో’ గేమ్‌ ఉందని నెటిజన్లు కామెంట్లు చేస్తున్నారు.

సాహో’ చిత్రం ఆగస్టు 30న ప్రపంచ వ్యాప్తంగా విడుదల కాబోతోంది.