నెలల వరకు కొరత లేదు – గ్యాస్, పెట్రోల్‌పై మంత్రి ఉత్తమ్ క్లారిటీ..

తెలంగాణ రాష్ట్రంలో పెట్రోల్, డీజిల్ మరియు గృహ వినియోగానికి అవసరమైన ఎల్పీజీ గ్యాస్ కొరతపై వస్తున్న వార్తలపై మంత్రి ఉత్తమ్ కుమార్ రెడ్డి స్పష్టత ఇచ్చారు. రాష్ట్రంలో అవసరమైనంత ఇంధనం మరియు గ్యాస్ నిల్వలో ఉన్నాయని, ప్రజలు ఎలాంటి ఆందోళనకు గురి కావాల్సిన అవసరం లేదని తెలిపారు.

ప్రస్తుతం రాష్ట్రంలో మూడు నెలలకు సరిపడా పెట్రోల్, డీజిల్ మరియు ఎల్పీజీ నిల్వలు ఉన్నాయని మంత్రి వెల్లడించారు. సరఫరాలో ఎలాంటి అంతరాయం లేకుండా ప్రభుత్వం అన్ని చర్యలు తీసుకుందని చెప్పారు. కొంతమంది తప్పుడు వార్తలు ప్రచారం చేస్తుండటంతో ప్రజల్లో భయం ఏర్పడుతోందని, అలాంటి వదంతులను నమ్మవద్దని విజ్ఞప్తి చేశారు.

అవసరానికి మించి గ్యాస్ సిలిండర్లు లేదా ఇంధనం నిల్వ చేసుకోవద్దని మంత్రి సూచించారు. పెట్రోల్ బంకులు, గ్యాస్ ఏజెన్సీలు సాధారణంగా పనిచేస్తున్నాయని, సరఫరా నిరంతరంగా కొనసాగుతుందని చెప్పారు.

ప్రభుత్వం పరిస్థితిని ఎప్పటికప్పుడు సమీక్షిస్తూ అవసరమైన చర్యలు తీసుకుంటుందని, ప్రజలు ప్రశాంతంగా ఉండాలని మంత్రి ఉత్తమ్ కుమార్ రెడ్డి తెలిపారు.