జనసేన పార్టీకి రూ. 100 కోట్లు ఫండ్: సంతోషంలో నాగబాబు

Teluguwonders:

మెగా బ్రదర్ నాగబాబు..జనసేన అధినేత, పవర్ స్టార్ పవన్ కళ్యాణ్ బర్త్ డే సందర్భంగా ఆయనకు శుభాకాంక్షలు తెలియజేస్తూ.. మెగా అభిమానులకు, జనసైనికులకు, ఇతర హీరోల అభిమానులకు వినాయక చవితి శుభాకాంక్షల్ని తెలియజేశారు

🌟మరో వీడియో తో :

ఎన్నికల సందర్భంగా యూట్యూబ్‌లో ‘నా ఛానల్ నా ఇష్టం’ అంటూ వరుస వీడియోలను విడుదల చేసి హాట్ టాపిక్ అయిన మెగా బ్రదర్ నాగబాబు స్మాల్ గ్యాప్ తరువాత మళ్లీ తన ఛానల్‌కి వచ్చారు. పవర్ స్టార్ పవన్ కళ్యాణ్ బర్త్ డే సందర్భంగా ఏడున్నర నిమిషాల నిడివితో వీడియోను వదిలారు. జనసేన పార్టీ కోసం కష్టపడుతున్న జనసైనికులకు కృత‌జ్ఞత తెలిపడమే ఈ వీడియో సారాంశం.
ఇంతకీ నాగబాబు ఈ వీడియోలో ఏమన్నారంటే.. ‘జనసేన, మెగా, ఇతర హీరోల అభిమానులకు వినాయక చవితి శుభాకాంక్షలు. నేను ఈ వీడియో ఎందుకు చేస్తున్నా అంటే.. ఎవరైనా వ్యక్తి ఒక మంచి పని చేశారంటే అభినందించడం నాకు, మా ముగ్గురు అన్నదమ్ములకు అలవాటు. అందుకే మంచి పనికి పూనుకున్న జనసైనికులను అభినందించడం కోసం ఈ వీడియో చేశా.

👉జనసేనకు రూ. 100 కోట్ల ఫండ్..:

కళ్యాణ్ బాబు స్థాపించిన ‘జనసేన’ పార్టీకి రూ. 100 కోట్ల ఫండ్‌ను సేకరించాలని జనసైనికులు సాయశక్తులా ప్రయత్నిస్తున్నారు. రూ. 10 నుండి రూ. లక్షల వరకూ డొనేషన్ కలెక్ట్ చేయాలని వాళ్లు ఒక నిర్ణయం తీసుకోవడం అభినందించాల్సిన విషయం.
దేశంలో ఇంతకు ముందు ఎన్నో పార్టీలు వచ్చాయి. కాని ఏ పార్టీకి ఇంత భారీ స్థాయిలో పార్టీకి ఫండ్ ఇద్దాం అని అభిమానులు అందరూ అనుకోవడం, శనివారం రోజే బ్యాంక్‌లకు వచ్చి బారులు తీరి డొనేషన్లు ఇవ్వడం అనేది షాక్‌కి గురి చేసింది. ఒక రకంగా చెప్పాలంటే సంభ్రమాశ్చర్యానికి గురిచేసిందని చెప్పాలి.
ఎందుకంటే ఇంతిలా అభిమానించేవాళ్లు జనసేనకు ఉన్నందుకు చాలా సంతోషంగానూ ఎమోషనల్‌గానూ ఉంది.అని ఆయన అన్నారు.

🔴జనసేన కేడర్ చాలా స్ట్రాంగ్ అయ్యింది :

మీరు అనుకున్న రూ. 100 కోట్లును ఎచీవ్ చేశారా? లేదా అన్నది సెకండరీ. కాని రూ. 100 కోట్లు ఇవ్వాలనే మీ సంకల్పం చాలా గొప్పది. ఇలాంటి నిర్ణయాల వల్ల జనసేనకు ఫైనాన్సియల్ ప్రాబ్లమ్ ఎప్పటికీ రాదు. అయితే మీరు అభిమానం చూస్తుంటే జనసేన కేడర్ చాలా స్ట్రాంగ్ అయ్యిందని స్పష్ఠం అవుతుంది. యుద్ధంలో ఓడిపోయిన వారియర్స్‌లా పోరాటం చేస్తూనే ఉన్నారు జనసైనికులు’.. అని నాగబాబు తన అభిప్రాయాన్ని ,ఆనందాన్ని వ్యక్తం చేసారు. ఇంకా నాగబాబు ఏమన్నారో మీరు కూడా ఓసారి ఆ వీడియోలో చూడండి.