మూడో వారంలో సీపీగెట్ నోటిఫికేషన్
*మూడో వారంలో సీపీగెట్ నోటిఫికేషన్* *ఆగస్టులో ప్రవేశ పరీక్ష* ఈనాడు, హైదరాబాద్: రాష్ట్రవ్యాప్తంగా ఆరు సంప్రదాయ విశ్వవిద్యాలయాలతో పాటు జేఎన్టీయూహెచ్లో పీజీ సీట్ల భర్తీకి నిర్వహించే ఉమ్మడి పీజీ ప్రవేశ పరీక్ష(సీపీగెట్)కు ఈ నెల మూడో వారంలో నోటిఫికేషన్ వెలువడనుంది. ఉస్మానియా, కాకతీయ, తెలంగాణ, పాలమూరు, శాతవాహన, మహాత్మాగాంధీ విశ్వవిద్యాలయాల పరిధిలోని ఎంఏ, ఎంకాం, ఎమ్మెస్సీ, పీజీ డిప్లొమా, అయిదేళ్ల ఇంటిగ్రేటెడ్ కోర్సులు, జేఎన్టీయూహెచ్లోని రెండేళ్ల ఎమ్మెస్సీ కోర్సులకు గత ఏడాది నుంచి ఉమ్మడి ప్రవేశ పరీక్ష నిర్వహిస్తున్న విషయం తెలిసిందే. వచ్చే విద్యా సంవత్సరానికి (2020-21) కూడా ఉస్మానియా విశ్వవిద్యాలయమే ప్రవేశ పరీక్ష నిర్వహించనుంది. ప్రస్తుతం డిగ్రీ సెమిస్టర్ పరీక్షలు పూర్తి కాకపోవడం, జులైలో వివిధ ప్రవేశ పరీక్షలు ఉండటంతో సీపీగెట్ను ఆగస్టులో నిర్వహించాలని ఓయూ అధికారులు ప్రాథమికంగా ఒక నిర్ణయానికి వచ్చారు. మొత్తం 53 సబ్జెక్టుల్లో ఈ పరీక్షలు నిర్వహిస్తారు.
Discover more from TeluguWonders
Subscribe to get the latest posts sent to your email.
